[A:139b-468] cung zad tsam yang sku ngal ba'i rnam pa med par sku'i gzi mdangs shin tu bzang zhing zil pa phrom me bar mdzad de/ de ring las khams dngas shing spro ba ma byung/ na so rgas kyang khyed gzhon pa tsho dang cung ma 'dra gsung zhal bkyal yang gnang/ de'i tshe thams cad ngo mtshar ba des ngal sos pa lta bu byung/ de nub mo stong der bzhugs pa'i tshe long po'i byag pa mang pos rjes 'tshag byas/ phyags phyir bsnyegs 'dug na'ang dpon slob kyi sgar mtha' bsu mi'i dmag gis bskor ba'i nyams shar nas/ stong stabs kyis shin tu thag ring sar bros zhes kyang grags so/ de nas hor zla bcu gnyis pa'i gnam gang la/ dpal 'bri khung se ba'i gling du phebs/ rgyal ba 'jig rten gsum gyi mgon po'i dbon rin po che dpon slob kyis/ 'chi med bdag po'i dpal 'byor gyis kyang rngo mi thogs pa'i brnyed bkur phun sum tshogs pas mchod cing zhag lnga'i bar bzhugs gsung gi bdud rtsi zab mos kyang tshims par mdzad/ de nas rim pas phag mo ba/ byi ru stag rtse la/ brag dkar bkra shis ljongs zhabs drung nas sogs thams cad kyis zhabs tog zhu ba gnang/ gzhis kha sne'u rdzong nas dpon drung gis kyang rag mda'i bar du gdan 'dren la phebs te/ tshes bcu gcig la rgyal ba mngon sum du bzhugs pa'i gnas dam pa lha sar phebs/ dpon slob thams cad lha'i longs spyod lta na sdug pas/