[A:143b-476] pas/ ji ltar gsung ba bzhin tshigs su bcad pa sgro bkur gyis ma slad pa cig byed phebs nas/ mtshan nyid kyi don la sbyar ba 'di bzhiin gnang te/ chos dbyings zab mo'i ngang las ma g.yos shing/ /rang gzhan grub mtha' rgya mtsho'i pha rol son/ /shAkyang seng ge'i bstan 'dzin chos kyi rje/ /dpal ldan bla ma'i zhabs pad brtan gyur cig/ /ces pa gnang/ 'di nyid sgro bkur gyis ma bslad pa yin te/ chos dbyings zab mo'i ngang las ma g.yos shing zhes pa'i don/ nged kyis/ phung po ni cas stong pa nyid/ chu shing bzhin du snying po med/ ces pa lta bu'i chos thams cad rang rang gi ngo bos stong ba'i stong nyid nyi tshe ba 'di/ 'khor 'das kyi chos thams cad don ma grub pa/ med par 'dod pa chad pa'i stong pa'i stong pa nyid lta bu ma yin par/ rnam par kun gyi mchog ldan pa'i/ /stong nyid de ltar 'gyur ba yin/ /zhes gsung pa ltar/ chos dbyings 'od gsal rnam pa thams cad pa'i stong pa nyid zung 'jug phyag rgya chen po'i lam/ shes rab kyi pha rol tu phyin ma'i rnal 'byor mas mnyam rjes tha dad du med pa tsam gyi myong mthon pas chos kyi dbyings las ma g.yos par grub cing/ rang gzhan grub mtha' rgya mtsho'i pha rol son zhes pa'ang/ phyi rol pa rnam kyi grub pa'i mtha' so so'i 'dod pa ma 'dres par