[A:144a-477] / /'byed zhus shing/ sangs rgyas pa'i grub pa'i mtha' bzhi so rnams kyi'ang so so'i bzhed pa 'di dang 'di zhes ma 'dres par gsal bar rtogs pa nyid kyi phyir rang gzhan gyi grub mtha'i pha rol tu phyin par 'gyur ba/ shAkya seng ge'i bstan 'dzin chos kyi rje/ zhes pa'ang/ spyir sangs rgyas kyi bstan pa bstan 'dzin gyi dge 'dun la rag las shing/ dge 'dun yang bsnyen par rdzogs pa'i dge slong bzhin sder longs pa phyin la 'jog dgos pas/ de ltar na kho bos gangs can gyi ljongs 'dir 'gro don bstan pa la rab tu byung ba bsnyen par rdzogs pa'i dngos po bkod pa'ang grangs las 'das shing/ byang chub sems dpa' dang/ rig pa 'dzin pa'i bslab pa la 'god par byas pa'ang mtha' yas pa de'i phyir/ kho bo bstan 'dzin gyi char rdzogs par yang nges par gyur to/ /dpal ldan bla ma zhes pa'ang/ sangs rgyas zhal 'di gang gi thugs dang zhal la gnas par gyur pa de ni dpal ldan bla ma'o/ /zhes gsung pa'i skabs 'di'i sangs rgyas kyi skabs 'di'i sangs rgyas kyi zhal 'di dbang bzhi pa'i ye shes phyag rgya chen mo rnam pa thams cad kyi mchog dang ldan pa'i stong pa nyid yin la/ de nyid bla ma rang nyid kyis mngon du gyur pas thugs la gnas pa dang slob la ma byin par nus pas zhal la gnas pa la gsungs shing/ de nyid kyang phyogs mthun pa tsam yin pas/ tshigs su bcad pa 'di ni sgro skur dang bral