[A:150b-490] tu 'gro ba sogs kyi snang tshul gyis/ da de phal cher ring po mi thogs par mya ngan las 'da' ba'i tshul ston par 'gyur ro snyam pa'i the tshom gyi khyogs la 'chang ba'i gtam rim pas rgyud de/ mi'i dbang mo yum sras dang bcas pa'i snyan dbang du son pa las/ nyer lnga'i nyin byams pa gling nas chos kyi rgyal po kun dga' bsod nams rgyal po'i zhabs phyi dbon po lags kyis mdzad/ dpon blon gnyis kyi rje'i zhabs drung du sku khams kyi snang tshul zhu ba dang lhan cig par mjal du phebs/ de'i nyin dpon blon gnyis kyi dbugs dbyung ba'i tshul gyis sku khams kyang bla lhag tu bde ba nas/ gsol ja sbyor bzhi'i bar du lugs gnyis las brtsams pa'i zhal gdams mang po gnang/ khyad par dpon blon thegs khar/ mi dbang chen po'i drung du/ gtso bor bstan pa'i 'dzin skyong/ sde srid kyi zhabs 'degs/ yum la gus pa/ gcung la rtse ba/ mnga' 'bangs su gtogs pa mtha' dag byams pas skyong ba sogs 'di dang 'di lta bu dgos so zhes snyan bskul rgyas par gnang/ 'on kyang dgongs pa tsho la rgan po 'di do nub sang rgongs kyi mi yin nam snyam na zhag bar du sdod pas da dung mjal ba byed pa yin no phebs pa la/ mi dbang chen pos zhag bar bka' phebs na mi yong bas dgung