[A:152a-493] / /mi bzod pas bdag cag rnams mya ngan las 'da' bo zhes mya ngan las 'das pa dang/ gzhan yang ston pa mya ngan las 'da' ba'i sngon rol du dgra bcom pa mang po 'dren pa nyid mya ngan las 'da' ba bdag cag rnams kyis blta bar mi bzod do/ /zhes de rnams lhag ma med pa'i mya ngan las 'das pa'i dbyings su yongs su mya ngan las 'das pa ji lta ba bzhin du skabs 'dir yang 'di ltar thos te/ he ru ka'i pho brang dpal srin po rir gdan chags pa'i dpal ldan sa skya pa'i gdung rin po che mkhas pa dang grub pa'i pha rol du phyin pa de yis bsnyun pa la sogs pa'i rkyen cher med par/ mnyam med zha lu lo tsA ba dang/ mkhan chen rin po che la sogs pa bstan 'dzin gyi skyes bu chen po de dag mi ring par mya ngan las 'da' bar 'gyur na/ de lta bu'i gtam rna bar thos pa dang snang tshul blta bar mi spobs pas kho bo yang 'di nas zhing brje ba yin no zhes zla ba lnga pa'i tshes bcu bzhi la mya ngan las 'da' bar mdzad cing/ de nas hor zla lnga pa'i gnam gang gi nyin/ rje btsun zha lu lo tsa ba chen po yang/ mkhan chen rin po che yang ba'i ring bar mya ngan las 'da' bar 'gyur na de lta bu blta bar mi bzod pas 'ab bu yang mya ngan las 'da' ba yin no zhes snyun pa la sogs pa'i rkyen cher med par dgongs pa chos kyi dbyings su