[A:154b-498] rang rnams nam mkha' la ltad mo rang blta ba'i grabs gyis shig gsung/ da lta 'jig rten na skyes bu dam pa rnams mya ngan las 'da' tshul ston pa na/ de nyid mya ngan las 'das nas gdung mchod bar gyi zhag gi khongs su ngo mtshar ba'i ltas 'byung bar rlom pa rnams ni nyi tshe ba'i bsam par zad de/ bdag nyid chen po 'di nyid zhing 'pho ba'i tshul ston pa'i sngon rol nas lo 'khor ba tsam gyi bar du ngo mtshar ba'i ltas dang cho 'phrul chen po'i bkod pa rnam par bkra ba mdzad pa yin te/ zla ba de'i tshes brgyad kyi nyin nas nam mkha' za 'og gi bla res kyis phub la ltar 'ja' tshon sna lnga'i rang bzhin gyis 'khor yug tu khebs pa dang/ lha rnams kyis 'thor ba'i me tog gi char chen po la sogs pa nyin mtshan thog thag tu 'bab par gyur to/ /de nyin nas/ da ste 'gro grabs byed ran pa yin pas nged rang gi sngas de yang byang phyogs la btod pa yin no gsung ngo/ /byang gi phyogs su sku mnye bskur ba gnang/ de'i tshe dka' bcu ba tshul rab pas de lta bu'i bka' mi phebs pa zhu / zhabs 'chag sogs ni legs po gnang thub kyi 'dug/ gsol ba yang bzang po 'dug/ lhag par sku'i gzi mdangs kyang shin tu bzang bar 'dug pa la/ de lta bu'i bka' bkod phebs na bdag cag rnams kyi sems mya ngan gyi khang bur chug par 'gyur ba lags zhus pas