[A:2a-193] / / nyams dga' bar/ /grub pa'i ring lugs thogs med smra ba yi/ /seng ge de ni rgyal ba kun gyi yab/ /lhar bcas 'gro ba'i phyag gi gnas yin no/ /gang gi rnam thar lo rgyus me tog phreng/ /snyan tshig yi ge'i srad bu la brgyus te/ /bskal bzang mdzes ma'i thod la bcings pa yis/ /skye dgu'i mig la ngo mtshar ston par bya/ /de yang bdag cag rnams kyi dpal ldan bla ma dam pa/ thub bstan chu skyes skyong ba'i nyin byed/ /dge legs kunda bzhad pa'i zla ba/ /phan bde'i 'bras bu stsol ba'i dpag bsam/ /'gro kun thar lam 'dren pa'i lcags kyu/ /'khor ba'i mtsho las sgrol ba'i gru gzings/ /thar lam 'khrul med ston pa'i sa mkhan/ /ma rig mun pa sel ba'i sgron me/ /mkhan po thams cad mkhyen pa'i zhal snga nas 'di nyid nges pa'i don du yang dag sar rdzogs pa'i sangs rgyas thams cad dang sku dang gsung dang thugs kyi ye