[A:2b-194] shes chen por ro gcig pa'i dbang gis/ rgyal ba sras dang bcas pa'i rnam par thar ba bklags pa nyid kyi rjes su dpag pa las/ rje 'di'i rnam par thar ba shes par bya dgos pa las bdag cag tshur rol mthong ba'i byis pa so so skye bo rnams kyi blo gros kyis dpyad par bya ba lta ci smos/
Contents'on kyang zhing 'di'i gdul bya rnams la skal ba dang 'tsham pa'i skur bstan te 'gro ba rnams 'dren par bzhed pas gnas dang/ rigs dang rus la gzigs te yum la bltams nas gzhon nu rol ched mdzad tshul/ nges par 'byung ba'i thugs kyis rma med par drangs pa las bstan pa rin po che la rim gyis zhugs tshul/ lung dang rigs pa'i bstan bcos la 'jigs pa med pa'i yongs 'dzin bsten te thos bsam rgya mtsho lta bu'i pha rol du byon tshul/ grub pa'i dbang po du ma las zab mo'i gdams pa gsan te grub pa mchog gi sa brnyes tshul/ rang nyid spangs rtogs kyi rgyal srid chen po la mnga' dbang gyur nas grangs med pa'i gdul bya rjes su gzung tshul/ slar yang rtag par 'dzin pa'i 'gro ba'i rnams kyi zhen lta bzlog pa'i slad du/ sku'i bkod pa rnam par grol ba'i lus su bsdus nas mkha' khyab kyi ting nge 'dzin mngon du mdzad do/ /gzugs kyi sku shambha lar zhing 'pho ba'i tshul to//