[A:3a-195] / / sa bcad drug las/ yum la bltams nas gzhon nu rol ched mdzad pa'i tshul ni/
de la/ dus gsum sangs rgyas thams cad kyi ngo bo rigs drug pa rdo rje 'chang chen po/ lha dang bcas pa'i 'gro ba thams cad kyi gtsug rgyan snyigs dus kyi rgyal ba gnyis pa/ mkhan po thams cad mkhyen pa chos grub seng ge zhes 'jig rten thams cad du khyab par yongs su grags shing/ de bzhin gshegs pa'i sras sgra gcan 'dzin bzang po'i rnam par 'phrul par/ mchog gi sprul pa'i sku zhwa dmar cod pan 'dzin pa bzhi pa dang/ rgyal ba'i dbang po mi bskyod rdo rje la sogs pa sangs rgyas dang byang chub sems dpa' rnams kyis lan re tsam ma yin par lung bstan mnga' gsol zhing / nges pa'i don du zhal gyis kyang bzhes pa'i rje btsun 'di nyid sku bltams pa'i yul ni/ 'phags pa'i yul gyi byang phyogs/ chos tshigs kyis che ba'i yul dbus/ rgyal bas sher phyin dar bar lung bstan pa'i gnas/ bod kha ba can gyi ljongs/ 'phags pa 'jig rten dbang phyug gis byin gyis brlabs pa'i sa/ g.yas ru dbus kyi sa'i thig le/ chu bo chen po pakShu dal gyis 'bab pa'i ngogs/ rdo rje khyung btsun ma'i pho brang dang nye ba'i 'dab/ bkra shis dge mtshan du mas nye bar brten pa'i gnas sil maba zhes bya ba'i sa'i cha/ mkhas pa dang grub pa'i skye bu