[A:30b-250] ting nge 'dzin la mnyam par gzhag pa nyid kyis rtogs pa ma lus pa mngon gyur te/ dus zhabs snyan brgyud las/ kun la drug drug shes bya ste/ /rab kyis dang pos rtogs par 'gyur/ /zhes sogs kyi sbas don la/ rnal 'byor pa dbang po yang rab la so sor bsdud pa 'ba' zhig gis lam phyi ma rnams kyi yon tan mngon du 'gyur ba 'dug tshul gyi rtogs pa phul ba na/ bla ma'i gsung gis/ rnal 'byor pa dbang po yang rab la de ltar shin tu yin gsung zhing/ so sor bsdud pa'i sor bsdud ni/ /zhes sogs yan lag drug po re la'ang yan lag drug po re la'ang yan lag drug drug rang bcas su tshang tshul dang/ bu slob ma 'di 'dra byung rtsa na/ /zab yangs kyi chos 'khor bskor snying 'dod/ /zhes sogs kyi gsung mgur yang gnang/ de nas zla ba drug gi bar du mun khang cig la bzhugs te so sor bsdur dang bsam gtan bsten pa'i yan lag sku rdo rje'i rnal 'byor dang/ srog rtsol dang 'dzin pa nye bar sgrub pa'i yan lag gsung rdo rje'i rnal 'byor/ rjes dran sgrub pa'i yan lag thugs rje'i rnal 'byor/ ting nge 'dzin sgrub pa chen po'i yan lag ye shes rdo rje'i rnal 'byor te bsnyen sgrub yan lag bzhi 'am/ rnal 'byor yan lag drug gi lam gyi rim pa rnams rdzogs par gsan zhing thugs nyams su bzhes pas/ so sor bsdud pas