[A:31a-251] / /rnal 'byor pa ni yul dang rnam par bral ba sngags rnams byin gyis rlobs/ ces dang/ mngon par shes pa lnga ni thob par 'gyur te bsam gtan sbyor ba dag pa'o/ /zhes dang/
srog rtsol sbyor ba dag pa rin bong can dang nyi ma dang bral byang chub sems dpa' rnams kyis mchod/ ces dang/
bdun dang nyon rmongs la sogs nyams shing stobs bcu la ni 'jug par 'gyur te 'dzin pa'i stobs kyis so/ /shes dang / rjes su dran pa legs par dag pa dri med 'od kyi dkyil 'khor dag kyang ye shes gzugs las so/ /shes dang/ de nas ting nge 'dzin gyi dag pa nyin zhag 'ga' zhig rnams kyis ye shes sku ni 'grub par 'gyur/ zhes sogs rgyud kyii rgyal po las ji ltar gsungs pa bzhin gyi gnas skabs dang mthar thug gi 'bras bu/ bden pa'i tshig grub cing/ lkog tu gyur pa'i yul rnams kyang thogs pa med pa lta bu'i tshul gyis mngon par mkhyen pa dang/ nyi zla'i rgyu ba 'gags nas srog dbu mar rtag tu 'babs pas byang chub sems dpa' rnams kyis mchod cing/ sangs rgyas rnams kyis lung ston pa dang/ sku lus 'od kyi dkyil 'khor du snang zhing/ ba spu'i bu ga rnams las 'od zer gyi tshogs 'phro ba la sogs pa dpag par dka' ba'i yon tan