[A:4b-198] dus/ sa phud kyi mgron khang du dpa' bo ral gcig bya ba dang mjal/ de nas tshe spong byang ri la/ 'phags pa jo 'gar bzhugs pa'i snyan grags gsan te/ 'tshol du byon pas/ glang chos lung gi dgon par dpon slob gsum bzhugs pa dang mjal/ der slob ma gcig gi stag gzigs dpal yin par shes te/ 'di mi rgod yin pas chos byed pa min/ dpoon slob la mtho 'tsham 'dod pa yin nam zhus pa la/ 'phags pa'i zhal nas/ mi rgod la chos rgod yong stag gzig dpal tshur shog/ skra bregs kyi gsung skra bregs/ mtshan zhen log dpal du btags/ de nas nyang stod stag tshal bya ba chu mngon zhang po cig yod pa'i sar chos rgyags 'dra slong du byon pas/ gser zho lnga/ bong bu cig/ lcags nag bco lnga/ sha khog gsum/ nas khal lnga rnams sbyin byung bas/ slar bla ma'i zhabs drung du log te/ nas la phye/ gser zho do'i rin gyis chang/ sha dang bcas pa'i yo byad kyis maNDal la brten pa'i yo byad kyis tshogs kyi 'khor lo zhag gsum bskor/ dbang yon du gser zho gsum/ bong bu/ lcags rnams phul dbang zhus pas/ 'phags pa'i zhal nas nga la de rnams phul bas mi yong/