[A:7a]/ /dpon chen ag glen gyis phul/ de la sras bla chen kun dga' rgyal mtshan dpal bzang po sa mo phag la/ lha khang bla brang du 'khrungs/ dgung lo bzhi bcu pa me mo yos la pho brang me tog ra ba'i sde chen por gshegs/ gtsun mo gsum pa yul blang mtsho'i na pe ba/ ming ma gcig nam mkha' rgyal mo/ de la sras gsum 'khrungs pa'i che ba/ mkhas btsun nam mkha' legs pa'i blo gros rgyal mtshan dpal bzang po/ shing mo sbrul lo/ grom lha rtser 'khrungs/ dgung lo sum bcu so dgu la/ chu mo lug lo la/ zla ba brgyad pa'i tshes dgu'i nyin/ bzhi thog bla brang du gshegs so// de'i gcung che ba gzhon nu la grongs/ gcung po chung ba gug shri nam mkha' rgyal mtshan dpal bzang po/ shing pho byi ba la sa skyar 'khrungs/ dgung lo nyi shu pa lug gi lo la pho brang me tog ra bar gshegs/ btsun mo bzhi pa/ yul shar la zug pa/ ta ste ra lung pa gug shri nam mkha' rgyal mtshan gyi lcam mo/ ming kun dga' nam mkha'i rgyan la/ sras gcig 'khrungs/ gcen bla ma ti shri kun dga' legs pa'i 'byung gnas rgyal mtshan dpal bzang po/ shar la zug tu 'khrungs/ dgung lo sum bcu pa la me tog ra ba'i sde chen por gshegs/ de'i gcung bla ma ti shrI kun dga'