[A:7b]rgyal mtshan lcags pho khyi'i lo/ shar la zug tu 'khrungs/ dgung lo bzhi bcu zhe dgu pa la/ me tog ra ba'i sde chen por gshegs/ bla chen kun dga' rgyal mtshan pa'i rjes la/ gcung gcig gzhon nu la grongs zer/ btsun mo lnga pa'i yul re mda' ma/ ming lha gcig nyi ma rin chen/ pha ming red mda'i btsad po/ de la sras gsum 'khrungs pa'i gcen/ slob dpon rin po che nyi ma dpal/ dus mchod bla brang du 'khrungs/ gzhon nu la gshegs/ bar pa lcam mo slob dpon ma kun dga' 'bum/ khab so bkra shis 'dzoms su 'khrungs/ seng ge sgang bla brang du gshegs/ gcung sa'i len dbang kun dga' legs pa'i rgyal mtshan sa pho sprel lo red mdar 'khrungs/ dgung lo nyi shu rtsa dgu pa me mo byi lo sred kyi sa cha/ klugs su gshegs/ btsun mo drug pa'i yul zha lu ba/ sku zhang mgon dpal gyi sras mo/ ming ma gcig gzhon nu 'bum/ de la sras mched bzhi 'khrungs pa'i/ gcen ta dben gug shri kun dga' nyi ma/ de 'og 'jam dbyangs don yod rgyal mtshan/ de 'og bla ma bsod nams rgyal mtshan/ chung shos gzhon nu la gshegs/ mched bzhi ka'i 'khrungs sa zhal lu khang gsar/ gcen dgung lo nyi shu rtsa brgyad