[A:1b]mo chu pho khyi lo pa bzhi bcu zhe gcig/ chu pho stag smal po tshes bcu gcig la 'das/ gsum pa rje btsun grags pa rgyal mtshan me mo yos smal pa'i tshes brgyad la 'khrungs/ sa skya'i dbu rtse rnying ma mdzad/ dgung lo bdun bcu pa me mo byi ba khra zla ba'i bcu gnyis la 'das/ bzhi pa dpal chen 'od po lcags pho rta smin drug zla ba'i nyer lnga la 'khrungs pa/ lnga bcu rtsa bzhi pa chu mo phag/ lte'u nyer gcig la 'das/ de sras gnyis/ gcen po sa skya paNDi ta kun dga' rgyal mtshan dpal bzang po chu pho stag khra zla ba'i nyer drug la 'khrungs/ paN chen shAkya shi la sogs mkhas pa rnams bsten cing rig pa'i gnas lnga mkhyen/ bla brang shar/ shar pa shes rab 'byung la btad nas/ bzhi thog btab/ rgyal bu byang ngos pa go dan gyis gdan 'dren byung zhing/ sngar rje btsun pa'i lung bstan pa la/ dus phyis/ byang ngos phyogs nas mi skad rigs mi gcig pa/ zhwa khra phur pa 'dra ba/ lham phag pa'i sna 'dra bas gdan 'dren byung pa la/ byon na bstan pa la phan zhes pa bzhin/ shing pho 'brug drug bcu rtsa gsum pa la khu dbon gsum byon no// lam du lo gsum 'gor/ rta lo la byang ngos su phebs/ rgyal pos go yug gan rgyal sar ston pa'i mjal 'phrad