[A:2a]/ /'khor ba dang lug lo la mjal/ gnam mchod pa'i rgan mgo thob/ bstan pa rgyas par mdzad/ bla ma de dgung lo bdun bcu bzhes pa lcags mo phag gi lo smal po zla ba'i bcu bzhi la byang ngos su gshegs/ gcung po zangs tsha bsod nams rgyal mtshan shing po 'brug rta zla ba'i nyi shu brgyad la 'khrungs pa/ dan skyi lcags ri btang/ lnga bcu rtsa drug pa sa mo phag rgyal zla ba'i nyi shu gsum la 'das/ de dang jo jo dkon mchog skyid kyi sras gnyis/ gcen po 'gro mgon 'phags pa blo gros rgyal mtshan dpal bzang po shing mo lug la 'khrungs/ dgung lo bcu pa la kho bo'i phyags phyi la byang phyogs su byon/ phyis rgyal po go dpe la lung pa shan na bzhugs pa la/ byang ngos pa'i rgyal bu mong go da dang slobam lhan du byon nas mjal bas mnyes nas rgyal bu byang ngos pa la hor gyi lha pa brgya skor gcig byon nas sa skya pa blangs/ dbang bskur/ de nas yon mchod du 'brel te/ se chen rgyal sar byon/ phyir bcad/ gu shri/ ti shri rim pas bskos/ rgyal khams kyi bstan pa'i bdag po mdzad/ dgung lo bzhi bcu zhe drug pa lcags pho