[A:༤༢༥]མཁྱེན་ཆོས་སྐུ་འོད་ཟེར་ཡིན་ཟེར་བའི་བླ་མ་བགྲེས་པོ་སྐུ་ཤ་འབྱོར་བའི་སྐུ་ཆས་ན་བཟའ་ཞབས་ཕྱགས་སོགས་སང་ཉིན་རྗེ་ཉིད་ལ་ཇི་ལྟ་བ་བཞིན་འདུག་གསུངས་པ་ཀུན་མཁྱེན་ཆོས་འོད་ཀྱི་སྐུའི་སྐྱེ་བར་ངེས་ཤེས་རྙེད་པས། ཡུལ་ཉང་སྟོད་གསེར་སྡིངས་སུ་གདུང་གསུམ་པ་ཡབ་ཀུན་མཁྱེན་གཞོན་ནུ་འོད། ཡུམ་མགར་བཙུན་མ་ཤེས་རབ་རྒྱལ་མཚན་གྱི་སྲས་སུ་གཡའ་མ་རིའི་གཙུག་ལག་ཁང་གི་འདབས་སུ་ཤིང་ཁྱི་སྟོན་འབྲིང་ཉི་མ་སྒྲ་གཅན་གྱིས་ཟིན་པའི་དུས་སྐུ་བལྟམས་མཚན་བདག་མེད་རྡོ་རྗེར་བཏགས། ཡུམ་གྱི་ལད་མོ་མཛད་པས་ཡི་གེའི་འདྲི་ཀློག་དང་ཁ་ཏོན་རྣམས་ཚེགས་ཆུང་ངུས་མཁྱེན། ཞང་པོ་དང་མཉམ་དུ་གསེར་སྡིངས་སུ་ཆོས་ཞུ་བ་ལ་བྱོན་པའི་ཚེ་རྩེད་མོར་གཡེངས་པས་ངའི་ཆོས་འགོ་དང་ཁྱོད་ཀྱི་རྩད་འགོ་ཚུགས་པ་ཆོས་ལ་མི་གུས་སམ་ཞེས་བཀའ་བཀྱོན་པས་ཆོས་རྣ་བས་ཉན་པ་དང་ཡན་ལག་གིས་རྩེ་བ་མི་འགལ་ཞེས་ཆོས་རྣམས་ཤར་གྱིས་བསྐྱར་བས་ཀུན་ཡ་མཚན་ཞིང་སྔོན་གནས་གསུངས་པས་ཁ་ཆེ་པཎ་ཆེན་གྱི་སྤྲུལ་པར་གྲགས། བླ་མས་ཀྱང་ཡབ་ཏུ་ཞལ་གྱིས་བཞེས་ནས་དེ་ཕྱིན་ཆད་བསྟན་བཅོས་ཀྱི་མཛད་བྱང་ལ་རྣལ་འབྱོར་གྱི་དབང་ཕྱུག་ཅེས་གསུངས་སྐད། བཅུ་གསུམ་པ་ལ་གནས་རྙིང་དུ་མཁན་པོ་རིན་ཆེན་པ་ལ་རབ་ཏུ་བྱུང་བའི་མཚན་ཆོས་སྐུ་འོད་ཟེར་དུ་བཏགས་ཤིང་ཉེར་ལྔ་ལ་བསྙེན་པར་རྫོགས། དགུང་ལོ་ལྔ་ནས་བཅུའི་བར་ཡབ་ཀྱི་དྲུང་དུ་གསང་འདུས་དང་བདེ་མཆོག་སོགས་ཟབ་ཆོས་མཐའ་དག་བུམ་པ་གང་བྱོར་གསན། ཆོས་རྗེ་འཇམ་གསར་པ་ལ་གཤེད་དམར་དུས་འཁོར་ཕར་ཚད། འཇམ་རྒྱལ་ལ་སྨྱུང་གནས། བཟད་རིང་ལས་