[A:༧༤] ཆེན་རབ་འབྱམས་པ་སངས་རྒྱས་འཕེལ་གྱིས་དགུང་ལོ་སོ་དགུ་པ་ས་སྦྲུལ་ལོར་བཏབ་ཅིང་། མཚན་ཉིད་ཀྱི་གྲྭ་ས་ཆེན་པོར་གྱུར། དེ་ལས་མཚན་ཉིད་པའི་གྲྭ་སའང་མང་དུ་ཡོད༎ ། ༎གཙང་གསེར་མདོག་ཅན་ནི། པཎ་ཆེན་དོན་ཡོད་དཔལ་བས་བཏབ། པཱན་ཆེན་ཤཱཀྱ་མཆོག་ལྡན་དགུང་ལོ་ཞེ་གཉིས་ལོན་པའི་ཚེ་ཕེབས་ནས་དར་རྒྱས་སུ་མཛད་པས། བར་སྐབས་དགོན་མ་ལག་དང་བཅས་པ་ཤིན་ཏུ་དར་བར་གྱུར་ཀྱང་། དེང་སང་ནི་དགེ་འདུན་གྱི་སྡེ་མ་སྟོང་ཙམ་ལས་མེད། ། ༎གཙང་རྟ་ནག་ཐུབ་བསྟན་རྣམ་རྒྱལ་གླིང་ནི། ཀུན་མཁྱེན་གོ་བོ་རབ་འབྱམས་པ་བསོད་ནམས་སེངྒེས་དགུང་ལོ་ཞེ་ལྔ་པ་ཆུ་སྦྲུལ་ལོར་བཏབ། དེང་སང་ཡང་བཤད་གྲྭ་མ་ཉམས་པར་ཡོད་ཅིང་། དཔལ་ས་སྐྱ་པའི་ལྷ་ཁང་ཆེན་མོའི་མཚན་ཉིད་གྲྭ་ཚང་ཡང་འདིའི་བཤད་རྒྱུན་ལས་བྱུང་བ་སོགས་དགོན་ལག་ཀྱང་མང་དུ་འཕེལ༎ ། ༎གཉན་ཡོད་བྱ་རྒོད་གཤོང་ནི། པཎ་ཆེན་འབུམ་འཕྲག་གསུམ་པས་དགུང་ལོ་ང་བདུན་པ་ས་བྱ་ལོར་བཏབ། མཚན་ཉིད་ཀྱི་རིང་ལུགས་འཛིན་པ་ཆེ་ཤོས་ཞིག་ཡིན། ། ༎ ། ༎གཙང་ཉང་སྟོད་ཤེལ་མཁར་རྒྱལ་རྩེའི་ཆོས་སྡེ་ནི། ཆོས་རྒྱལ་རབ་བརྟན་ཀུན་བཟང་འཕགས་ཀྱིས་བཏབ། ས་བུ་དགེ་གསུམ་གྱིས་གྲྭ་ཚང་ཁག་བཅུ་དྲུག་ཙམ་ཡོད་ཅིང་དེང་སང་ཡང་དར་རྒྱས་ཆེ། ་