[A:༧༦] པའི་རྒྱ་མཚོ་བདག་ཆེན་རྡོ་རྗེ་འཆང་ཉིད་ལ་བཀའ་བབས། དེ་ལ་ཞལ་གྱི་བདུད་རྩི་བཞེས་པའི་སློབ་མ་བསམ་གྱིས་མི་ཁྱབ་ཀྱང་། ཐུན་མོང་མ་ཡིན་པའི་སྙན་བརྒྱུད་ཀྱི་གདམས་པ་བུམ་པ་གང་འབྱོར་སྩལ་བའི་ཡུལ་ནི། སངས་རྒྱས་འཁོར་བ་འཇིག་ཉིད་འཕགས་བོད་ཀྱི་མཁས་གྲུབ་དུ་མའི་སྐྱེ་བའི་ཕྲེང་བར་བརྒྱུད་མར་བྱོན་པའི་རྗེ་བཙུན་རྡོ་རིང་པ་ཀུན་སྤངས་ཀུན་བཟང་ཆོས་ཀྱི་ཉི་མ་བློ་ལྡན་ཤེས་རབ་རྒྱལ་མཚན་དཔལ་བཟང་པོ་ཉིད་ཡིན་ཏེ། རྗེ་འདིས་སྤྱིར་རྡོ་རྗེ་འཆང་ཀུན་དགའ་བཟང་པོ་ཡབ་སྲས་སོགས་གསར་རྙིང་རིས་མེད་ཀྱི་མཁས་གྲུབ་དམ་པ་བདུན་ཅུ་རྩ་གཉིས་བསྟེན། མདོ་སྔགས་ཀྱི་གདམས་པ་རྒྱ་མཚོར་ལུང་རིགས་ཀྱི་སྒྲོ་འདོགས་བཅད། ཁྱད་པར་བདག་ཆེན་རྡོ་རྗེ་འཆང་གི་ཞབས་པད་མཉེས་པ་གསུམ་གྱིས་བསྟེན་ནས་གསུང་ངག་རིན་པོ་ཆེས་མཚོན་པའི་སྙན་བརྒྱུད་ཚད་མ་བཞི་ལྡན་གྱི་གདམས་པ་མཐའ་དག་གསན་བསམ་མཐིལ་ཕྱིན་པར་མཛད། ཕྱག་ལེན་ཕྲ་མ་ཚུན་ཆད་ཀྱང་བྱང་ཆུབ། ཁའུ་བྲག་རྫོང་ནག་པོའི་རི་ཁྲོད་སོགས་དབེན་པའི་རི་སུལ་རྣམས་སུ་སྐུ་ཚེ་ཧྲིལརིལ པོར་ཐུན་བཞིའི་རྣལ་འབྱོར་ལས་ནམ་ཡང་མི་འདའ་བས་གྲུབ་པའི་གོ་འཕང་མཐོན་པོར་གཤེགས། ཟབ་གསང་སེངྒེའི་སྒྲ་དབྱངས་རྒྱུན་མི་འཆད་པར་བསྒྲགས་ཏེ་སྙན་བརྒྱུད་ཟབ་མོའི་གདམས་པ་སྲིད་