[A:116]ཞུས་ཤིང་འགྱུར་ཡང་ལེགས་བཅོས་ནས། རྒྱ་གར་ཁ་ཆེ་བལ་པོ་ཡི། །རྒྱ་དཔེ་གསུམ་དང་བསྟུན་བྱས་ནས། །དགེ་སློང་རྒྱལ་ཞེས་བཤད་པ་མཛད། །དགེ་ཚུལ་གྱི་ནི་ལོ་དྲི་ཡང༌། །རྒྱ་དཔེ་བལ་པོའི་ཡུལ་ནས་ནི། །སྤྱན་དྲངས་ཐོ་ལིང་བྱོན་པ་ན། །དྷརྨ་པཱ་ལའི་རྒྱ་དཔེ་གཟིགས། ཁ་ཆེའི་མཁན་པོ་ན་ར་ཡ། །དེ་བ་ལ་ནི་དེ་ཞུས་ནས། །བསྒྱུར་ཞིང་བཤད་པ་དག་ཀྱང་མཛད། །དགེ་སློང་གི་ནི་ལོ་དྲི་བ། །དགེ་སློང་བྱང་ཆུབ་འབྱུང་གནས་ཀྱིས། །ཞུས་ནས་རྒྱ་གར་ཤར་ཕྱོགས་ཀྱི། །མཁས་བཙུན་གྲུབ་ཐོབ་གྲགས་ཁྱབ་པ། །མཚན་ནས་ཤིན་ཏུ་བརྗོད་དཀའ་བ། །དཱི་པཾ་ཀ་ར་ཤྲཱི་ཛྙཱ་ན། །དགེ་སློང་ཚུལ་ཁྲིམས་རྒྱལ་བས་བསྒྱུར། །དེ་དག་རྣམས་ལ་ཞང་ཞུང་གི །འདུལ་འཛིན་ཆེན་པོས་ཞུས་པ་ཡིན། །དེ་ལ་སློབ་དཔོན་བློ་གྲོས་དང༌། །ཤེས་རབ་མཐའ་ཅན་གཉིས་ཀྱིས་ཞུས། །དགེ་སློང་གི་ནི་ཀཱ་རི་ཀཱ །ནེ་པ་ལ་ཡི་པནྚི་ཏ། །ལུང་དང་རྟོགས་པའི་བདག་ཉིད་ཅན། །མཁས་པ་ཛ་ཡ་ཨཱ་ཀར་ལས། །དགེ་སློང་པྲཛྙཱ་ཀིརྟྟིས་བསྒྱུར། །དེ་ལ་དཔལ་གྱི་འབྱོར་པས་གསན། །དགེ་འདུལ་བསླབ་པའི་གཞི་མདོ་ནི། ཁ་ཆེའི་མཁས་པ་པནྚི་ཏ། །པ་ར་ཧེ་ཏ་ཞེས་བྱ་དང༌། །གདུང་རབས་མང་པོར་བརྒྱུད་པ་ཡི། །མ་ཧཱ་ཛ་ན་ཞེས་བྱ་བའི། །མཁས་པ་གཉིས་ལ་ཐོ་ལིང་དུ། །སྒྲ་སྐད་བྱང་བའི་ལོ་ཙཱ་བ། །དགེ་སློང་གཞོན་ནུ་མཆོག་གིས་ནི། །བསྒྱུར་ནས་དེ་ཡི་བཤད་པ་མཛད། །དེ་ལ་སློབ་དཔོན་དཔལ་གྱི་འབྱོར། །ཤེས་རབ་དག་གིས་གསན་པ་ཡིན། །ཞེས་གསུངས་ཏེ། །འདི་