[A:140]བཀོད་སྣང་བ་སོགས་ལ་ཤིན་ཏུ་རྨོངས་པའོ།
།བོད་ཀྱི་ཡུལ་འདིར་མན་ངག་རྫོགས་པ་ཆེན་པོར་གྲགས་པ་ལ་ཡང་སེམས་སྡེ་དང༌། ཀློང་སྡེ་དང༌། མན་ངག་གི་སྡེ་ཞེས་རྣམ་པ་གསུམ་དུ་འཆད་པ་ལ། སེམས་སྡེ་ནི་ལྔ་བཻ་རོ་ཙ་ན་དང༌། བཅུ་གསུམ་བི་མ་ལ་ལས་བྱུང་བ་ཡིན་ལ། ཀློང་སྡེ་ཡང་བཻ་རོ་ཙ་ན་ལས་བྱུང་བའི་མན་ངག་གོ མན་ངག་གི་སྡེ་ལ་སྙིང་ཐིག་ཅེས་གྲགས་ཏེ། བི་མ་མི་ཏྲ་ལས་བྱུང་ཞིང༌། དེའི་སློབ་མ་མྱང་ཏིང་ངེ་འཛིན་བཟང་པོ་ལས་བརྒྱུད་དེ། གསུམ་པོ་འདི་དག་ནི་བོད་ཀྱི་ཁམས་འདིར་ཤིན་ཏུ་དར་རོ།
།སྔོན་བྱོན་པའི་རྙིང་མ་བ་དེ་དག་ལ་རྒྱུད་ཀྱི་བཤད་པ་དིང་སང་གི་བར་དུ་ཡང་གནས་པ་ནི། སྒྱུ་འཕྲུལ་གསང་བ་སྙིང་པོའི་སྐོར་རྣམས་ཡིན་ཏེ། འདི་ནི་བི་མ་ལས་ལོ་ཙཱ་བ་ཆེན་པོ་རྨ་རིན་ཆེན་མཆོག་ལ་གནང་ཞིང་དེས་ལེགས་པར་བསྒྱུར། ལོ་ཙཱ་བ་གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་གཉིས་ལ་བཤད། དེ་གཉིས་ཀྱིས་དར་རྗེ་དཔལ་གྱི་གྲགས་པ་དང་ཞང་རྒྱལ་བའི་ཡོན་ཏན་གཉིས་ལ་བཤད། ཞང་ནས་བརྒྱུད་པ་རྣམས་ལ་བཀའ་མཆིམས་ཕུ་བའམ་མན་ངག་བརྒྱུད་ཅེས་གྲགས་ལ། དར་རྗེས་དབུས་གཙང་དུ་ཡང་མང་པོ་ལ་བསྒྲགས་ཤིང༌། ཁམས་སུ་ཡང་བྱོན་ཏེ་བཤད་པས་དེ་ཡང་མང་པོ་ལ་བསྒྲགས་ཤིང༌། ཁམས་སུ་ཡང་བྱོན་ཏེ་བཤད་པས། དེ་དག་ལས་བརྒྱུད་པ་ལ་ཡོངས་གྲགས་དབུས་ལུགས་པ་དང༌། ཁམས་ལུགས་པ་ཞེས་གཉིས་སུ་གྲགས་སོ། གསང་བ་སྙིང་པོའི་འགྲེལ་པ་ཉི་འོད་སེང་གེས་མཛད་པ་འདི། ཁམས་ཀྱི་འོག་རྡུ་ཐུགས་རྗེ་བྱམས་ཆེན་གྱི་གཙུག་ལག་ཁང་དུ་ལོ་ཙཱ་བ་བཻ་རོ་ཙ་ནས་བསྒྱུར་ཏེ། དེ་ལྟར་ན་སློབ་དཔོན་བཻ་རོ་ཙ་