[A:190]དེར་ཁོང་བརྫངས་པས། ཁོང་གིས་དཀོན་མཆོག་ལ་གསོལ་བ་བཏབ་པས། ཆར་ཡང་དག་པར་ཕེབས། གོང་མ་དགྱེས་ཏེ་གནང་སྦྱིན་མང་པོ་གནང་བས། ནོམ་པ་ཆེན་པོ་དང་བཅས་ཏེ་བོད་དུ་ཕེབས་པ་ལ། ངོ་ཤེས་དང་གྲོགས་མཆེད་སོགས་ལ་ཅི་ཡང་མ་བྱིན་པར་ཡུམ་གྱི་དོན་དུ་བླ་མ་དང་དགེ་འདུན་ལ་ཡོ་བྱད་རྣམས་ཕུལ། བླ་མ་མང་པོ་ལ་ལུང་དང་མན་ངག་གི་གསན་པ་ཤིན་ཏུ་རྒྱ་ཆེ། ཆོས་རྗེ་རང་བྱུང་རྡོ་རྗེ་དང༌། བུ་སྟོན་རིན་པོ་ཆེའི་ཡང་སློབ་མ་ཡིན་ཞིང་དུས་ཀྱི་འཁོར་ལོ་ལ་མཁས། རྫོགས་པ་ཆེན་པོ་ལ་སོགས་པའི་མན་ངག་རྣམས་ལ་ཉམས་ལེན་དྲག་པོ་མཛད། མོན་པ་གྲོར་བྱོན་ནས་ཐུགས་དམ་གྱི་རྩལ་ཆེན་པོ་བྱུང་བའི་དོན་ལ། མཉམ་མེད་རྒྱལ་བ་གཡུང་སྟོན་ངས། ཞེས་བྱ་བ་ལ་སོགས་པའི་མགུར་གསུངས། ཁྱད་པར་དུ་ཕུང་པོ་རི་བོ་ཆེ་དང་ར་དུམ་བྲག་ལ་སོགས་པར་མང་དུ་བཞུགས། བཤད་པས་ཀྱང་གཞན་ལ་ཕན་པ་ཆེན་པོ་མཛད། རྒོད་སྒྲོས་ཆུའི་གྲོད་པ་དུམ་བུར་བཅད་ཀྱང་ཆུ་མི་འབོ་བ་དང༌། ལྕགས་སྲེག་བླངས་ཀྱང་མི་འཚིག་པ་དང༌། རྩིག་པ་ལ་རྡོ་དྲུག་སྦྱོར་གྱི་ཞལ་བ་བྱས་པས། རྩིག་པ་ཆེན་པོ་གཅིག་ཏུ་གྱུར་པ་ལ་སོགས་པའི་རྟེན་འབྲེལ་མང་པོ་ཡང་མཁྱེན། སྔགས་ཀྱི་སངས་རྒྱས་དང་མཚན་ཉིད་ཀྱི་སངས་རྒྱས་གཉིས་ཀྱི་ཁྱད་འབྱེད་མཛད་པ་གཡག་སྡེ་པཎ་ཆེན་གྱིས་གཟིགས་པས་ཤིན་ཏུ་དད་དེ། དཔོན་སློབ་བཅོ་ལྔས་ཕུང་པོ་རི་བོ་ཆེར་བྱོན་ནས་ཞབས་ལ་གཏུགས། སྐུ་ཚེའི་སྨད་ལ་ཚོགས་པ་ཆོས་ལུང་པ་ལ་བསྙེན་པར་རྫོགས་པར་མཛད། མཚན་རྡོ་རྗེ་འབུམ་ཞེས་པ་རྡོ་རྗེ་དཔལ་ཞེས་