[A:201]མི་དང་མི་མ་ཡིན་པ་གཉི་ག་ལ་བརྒྱུད་པ་ནི། གསང་བདག་གིས་རི་མ་ལ་ཡའི་རྩེ་མོར་དམ་པའི་རིགས་ཅན་ལྔ་ལ་སོགས་པའི་རིག་པ་འཛིན་པ་འདུས་པ་ཕལ་མོ་ཆེ་ལ་བརྒྱུད་པའོ། །གང་ཟག་རྣ་བ་ནས་རྣ་བར་བརྒྱུད་པ་ནི། གསང་བདག་གིས་ཆོས་ཀྱི་འཁོར་ལོ་བསྐོར་བའི་བྱིན་རླབས་ཀྱིས་དང་པོ་སྐལ་ལྡན་རྒྱལ་པོ་ཛ་ལ་རྨི་ལྟས་བདུན་པོ་འདི་སྣང་བར་མཛད་དེ། གསང་བདག་གིས་དབང་བསྐུར་ཏེ་བྱིན་རླབས་ཀྱིས་པུ་སྟི་དང་གླེགས་བམ་གྱི་དོན་སྣང་བར་མཛད། དེས་སྲས་ཨིནྡྲ་བོ་དྷི་དང༌། ནཱ་ག་བོ་དྷི། གུ་ཡ་བོ་དྷི་ལ། ནཱ་ག་བོ་དྷི་ནི་ཀླུ་བ་སུ་རིགས་དྲུག་གིས་ལོ་དགུར་ཤོད་དུ་མ་སྟེར། ཨིནཱདྲས་ཁྱིའི་རྒྱལ་པོ་ཀུ་ཀུ་རཱ་ཛ་ལ། དེས་རོ་ལངས་བདེ་བ་ལ། དེས་རྡོ་རྗེ་བཞད་པ་ལ། དེས་ཟ་ཧོར་གྱི་རྒྱལ་པོ་པྲ་ཧ་སྟི་ལ། དེས་ཤཱཀྱ་སེངྒེ། ཤཱཀྱ་པྲ་བྷ། ཤཱཀྱ་མུ་དྲ་གསུམ་ལ་བཤད། ཤཱཀྱ་སེངྒེས་དྷ་ན་རཀྵི་ཏ། དེས་སྠི་ར་མ་ཏི་ལ། དེས་བདེ་བར་གསལ་མཛད་ལ། དེས་དྷརྨ་བོ་དྷི་དང་བ་སུ་དྷ་ར་ལ་བརྒྱུད་པའམ། ཡང་རྣམ་པ་གཅིག་ཏུ་དྷ་ན་རཀྵི་ཏ་བྲུ་ཞའི་རུ་ཆེ་བཙན་སྐྱེས་ཀྱིས་སྤྱན་དྲངས་ནས། བྲུ་ཞའི་ཡུལ་ཁྲོམ་དུ་བསྒྱུར་བར་བྱས་པས། མོས་པ་ཆུང་ནས་མ་འགྱུར་བར་བལ་ཡུལ་དུ་བྱོན་ནས། དྷརྨ་བོ་དྷ་དང་བ་སུ་དྷ་ར་ལ་བཤད། དེ་ནས་ཕྱིས་བྲུ་ཞའི་ཁྲོམ་དུ་བསྒྱུར། རུ་དྷརྨ་བོ་དང་བ་སུ་དྷ་ར་དང་བྲུ་ཞའི་མཁན་པོས་ཟོ་བོ་སྣུབས་སངས་རྒྱས་ལ་བཤད། དེས་ཇོ་བོ་ཡོན་ཏན་རྒྱ་མཚོ་ལ། དེས་སྲས་ཡེ་ཤེས་རྒྱ་མཚོ། དེས་རྒྱ་བློ་གྲོས་བྱང་ཆུབ་དང་སྣ་ནམ་ཚུལ་ཁྲིམས་བྱང་ཆུབ་ལ་བཤད། རྒྱས་ཐོ་གར་ནམ་