[A:202]མཁའ་ལ། དེས་སྐུ་ཚེ་སྟོད་ལ་ལྷོ་བྲག་གི་སྣ་ནམ་ཉལ་ཡོན་པོ་ལ་སོགས་པ་བཞི་ལ། བར་དུ་ཞུ་བསོད་ཤཱཀ་ལ། ཐ་མ་ལྷ་རྗེ་འུག་པ་ལུང་པ་ལ་གསུངས་སོ། ཡང་སྣ་ནམ་ཚུལ་ཁྲིམས་བྱང་ཆུབ་ཀྱིས་དགེ་བཤེས་མར་ཆུང་ལྷོ་བྲག་པ་ལ་གསུངས། མར་པས་ལྷ་རྗེ་བདེ་གཤེགས་ཀྱི་སྤྱན་སྔར་སྐུ་དྲིན་ཞུས་པས། ལྷ་རྗེ་ཤངས་ཆུང་པ་དང་དར་མ་བསོད་ནམས་གྲྭ་ས་རྙིང་པར་བཞུགས་པ་དང་མཇལ་ནས། མར་པ་སྐུ་སྙོམ་པ་དྲག་པོ་གཅིག་གི་ཞབས་ཏོག་ལྷ་རྗེ་ཤངས་པས་མཛད་པས་དགྱེས་ཏེ། མར་པས་ཤངས་པ་ལ་གནང༌། ལྷ་རྗེ་ཤངས་པ་བདག་གིས་སྤྱན་དྲངས་ནས་ཚུལ་བཞིན་དུ་ཞུས་པས་བདག་ལ་གནང་བའོ། ཞེས་གསུངས་ཏེ། དེ་མན་ཆད་སྒྱུ་འཕྲུལ་གྱི་བརྒྱུད་པ་མཐུན་པའི་སྒོ་ནས་རྗེ་བཙུན་སྒྲོལ་མ་བས་མདོ་དང༌། དེའི་འགྲེལ་པ་སངས་རྒྱས་ཡེ་ཤེས་ཀྱིས་མཛད་པ་མུན་པའི་གོ་ཆ་ཞེས་བྱ་བའི་ལུང་ཡང་བདག་ལ་གནང་ངོ༌། །མདོའི་བརྒྱུད་ལུགས་ཀྱི་སྐབས་སོ།
རོང་ཟོམ་ཆོས་ཀྱི་བཟང་པོའི་ལོ་རྒྱུས་ཀྱི་སྐབས།
ཕུལ་དུ་བྱུང་བའི་སྐྱེས་བུ་ཆེན་པོ་རོང་པ་ཆོས་ཀྱི་བཟང་པོ་ཞེས་བྱ་བའི་གཏམ་བརྗོད་པར་བྱ་སྟེ། དེ་ཡང་རོང་བ་ན་ཡོན་ཏན་རིན་ཆེན་གྱི་སྲས་རོང་བན་རིན་ཆེན་ཚུལ་ཁྲིམས་ཞེས་བྱ་བ་ཞིག་བྱུང་སྟེ་དེའི་སྲས་ཡིན་ནོ། འདིའི་ཆེ་བའི་ཡོན་ཏན་ནི། དེ་ཉིད་ཀྱི་སློབ་མ་ཡོལ་དགེ་བསྙེན་རྡོ་རྗེ་དབང་