[A:203]ཕྱུག་གིས་མཛད་པ་བཞིན་བྲི་བར་བྱའོ། དགེ་བའི་བཤེས་གཉེན་རོང་ཟོམ་ཆོས་ཀྱི་བཟང་པོ་ཞེས་བྱ་བ་བོད་ཀྱི་པནྚི་ཏ་ཆེན་པོར་གྲགས་པ་དེ་ནི། བོད་རུ་བཞིའི་ནང་ནས་རུ་ལག་གཙང་སྨད་ཀྱི་སྣར་ལུངས་རོང་དུ་སྐུ་འཁྲུངས་ཏེ། དེ་བས་ཅུང་སྔ་བར་ཡུལ་ཁམས་སུ་སློབ་དཔོན་སྨྲ་ཏི་ཛྙཱ་ན་ཀིརྟི་ཞེས་བྱ་བའི་པནྚི་ཏ་ཡོན་ཏན་དང་ལྡན་པ་ཞིག་བྱོན་ནས་རྒྱུད་འགའ་ཞིག་གི་འགྱུར་ཡང་བཅོས། ཐ་ག་ནའི་མཚན་བརྗོད་ཀྱི་འགྲེལ་བ་ལ་སོགས་པ་གསང་སྔགས་ཀྱི་འགྲེལ་བ་དང༌། འཇམ་དཔལ་གསང་ལྡན་དང་འཇིག་རྟེན་སྣང་བྱེད་ཟླ་བའི་ནོ་བི་ཀ་ལ་སོགས་པ་སྒྲུབ་ཐབས་མང་པོ་བསྒྱུར། སྒྲའི་བསྟན་བཅོས་འགའ་ཞིག་ཀྱང་མཛད་ནས་སྐུ་འདས་ཏེ། དེ་ཉིད་རོང་དུ་སྐུ་འཕོས་པ་དགེ་བཤེས་འདི་ཉིད་ཡིན་པར་ཡང་གྲགས། ཁ་ཅིག་ན་རེ། ཨ་ཙ་ར་ཕྲ་ལ་རིང་མོ་ཞེས་བྱ་བའི་པནྚི་ཏ་ཞིག་ཁམས་སུ་བྱོན་ནས། གསང་བ་འདུས་པའི་རྒྱ་ཆེར་འགྲེལ་བ་ཆེན་པོ་ལ་སོགས་པ་བསྒྱུར་ཏེ་བཤད་པ་མཛད་ནས། འདས་ཏེ་སྐྱེ་བ་འཕོས་པ་དགེ་བཤེས་རོང་ཟོམ་ལོ་ཙཱ་བ་ཡིན་ཞེས་ཀྱང་ཟེར། གཞན་ཡང་ཇོ་བོ་རྗེ་ཞེས་བྱ་བ་མངོན་པར་ཤེས་པ་དང་ལྡན་པ་ཡོན་ཏན་མང་པོ་མངའ་བའི་པནྚི་ཏ་དེ་ཉིད་དང་བླ་མ་ཆེན་པོ་མཇལ་བས་ཇོ་བོའི་ཞལ་ནས། རྒྱ་གར་གྱི་ཨཱ་ཙརྻ་ནག་པོ་ཞབས་ཆེན་པོ་སྤྱོད་པ་ང་དེ་ཉིད་ཚེ་འཕོས་པ་ཇོ་བོ་འདི་ཁོ་ན་ཡིན་ཏེ། ཁོ་བོས་འདི་དང་ཆོས་ཀྱི་གཏམ་བྱ་བ་ག་ལ་ཐུབ་ཅེས་ངེས་པར་གསུང་སྐད། སྐྱེས་བུ་དེ་ནི་ལ་ལར་བདེ་བར་གཤེགས་པའི་སྤྲུལ་པ་ཡིན་ཞེས་ཀྱང་གྲགས་ལ། ཕལ་ཆེར་འཕགས་པ་འཇམ་དཔལ་གྱི་སྤྲུལ་