[A:217]དྲིན་ཅན་མཁས་པ་ཆེན་པོ། མཁའ་འགྲོ་དཔལ་གྱི་ཡེ་ཤེས། མ་གཅིག་དྲིན་ཅན་ཟུར་མོ། ཆོས་རྗེ་སངས་རྒྱས་རིན་ཆེན་པའི་བར་དུ་བརྒྱུད་དེ། རིག་པའི་རྩལ་དབང་བཅོ་བརྒྱད་དང༌། ཀུན་བྱེད་རྒྱལ་པོའི་རྒྱུད་ཀྱི་ལུང་ཙམ་ཞིག་ལས་སེམས་ཕྱོགས་དག་མ་ཐོས་ཏེ། འོན་ཀྱང་གུས་པ་ཆེན་པོ་དང་ནི་ལྡན་ནོ། །སེམས་ཕྱོགས་ཀྱི་སྐབས་སོ།
རྡོ་རྗེ་ཟམ་པའི་ལོ་རྒྱུས་ཀྱི་སྐབས།
རྫོགས་པ་ཆེན་པོ་ཀློང་གི་སྡེའི་སྐོར་ལ། ནམ་མཁའ་དང་མཉམ་པའི་རྒྱུད་ཆེན་པོའི་དོན་ཀློང་དགུ་དང་ཚིག་བམ་པོ་ཉི་ཁྲི་ཞེས་འབྱུང་བ་ལ། བམ་པོ་ཉི་ཁྲི་ནི་གྲུབ་པའི་སྐྱེས་བུ་རྣམས་ཀྱི་ཕྱག་ན་བཞུགས་པའི་དབང་དུ་བྱས་པ་ཡིན་གྱི། འདིར་གཞུང་ཚང་བར་འགྱུར་བ་ནི་མེད་དོ། །ནམ་མཁའ་དང་མཉམ་པའི་རྒྱུད་ཆུང་བའི་དོན་ཡང་ཀློང་དགུ་སྟེ། དང་པོ་ལྟ་བའི་ཀློང༌། གཉིས་པ་སྤྱོད་པའི་ཀློང༌། གསུམ་པ་དཀྱིལ་འཁོར་གྱི་ཀློང༌། བཞི་པ་དབང་གི་ཀློང༌། ལྔ་པ་དམ་ཚིག་གི་ཀློང༌། དྲུག་པ་སྒྲུབ་པའི་ཀློང༌། བདུན་པ་ཕྲིན་ལས་ཀྱི་ཀློང༌། བརྒྱད་པ་ས་ལམ་གྱི་ཀློང༌། དགུ་པ་འབྲས་བུའི་ཀློང་སྟེ། དེ་དག་ཀྱང་ལེའུ་བཅུ་གཅིག་པ་ནས་བཅུ་དགུ་པའི་བར་ལེའུ་རེ་རེས་སྟོན་པ་ཡིན་ནོ།
།གཞན་ཡང་ཡེ་ཤེས་གསང་བ་ལ་སོགས་པའི་རྒྱུད་ལ་བརྟེན་པའི་རྡོ་རྗེ་ཟམ་པའི་མན་ངག་རྣམས་བཻ་རོ་ཙ་ནས་སྤངས་མི་ཕམ་