[A:217]drin can mkhas pa chen po/ mkha' 'gro dpal gyi ye shes/ ma gcig drin can zur mo/ chos rje sangs rgyas rin chen pa'i bar du brgyud de/ rig pa'i rtsal dbang bco brgyad dang / kun byed rgyal po'i rgyud kyi lung tsam zhig las sems phyogs dag ma thos te/ 'on kyang gus pa chen po dang ni ldan no/ /sems phyogs kyi skabs so/
rdo rje zam pa'i lo rgyus kyi skabs/
rdzogs pa chen po klong gi sde'i skor la/ nam mkha' dang mnyam pa'i rgyud chen po'i don klong dgu dang tshig bam po nyi khri zhes 'byung ba la/ bam po nyi khri ni grub pa'i skyes bu rnams kyi phyag na bzhugs pa'i dbang du byas pa yin gyi/ 'dir gzhung tshang bar 'gyur ba ni med do/ /nam mkha' dang mnyam pa'i rgyud chung ba'i don yang klong dgu ste/ dang po lta ba'i klong / gnyis pa spyod pa'i klong / gsum pa dkyil 'khor gyi klong / bzhi pa dbang gi klong / lnga pa dam tshig gi klong / drug pa sgrub pa'i klong / bdun pa phrin las kyi klong / brgyad pa sa lam gyi klong / dgu pa 'bras bu'i klong ste/ de dag kyang le'u bcu gcig pa nas bcu dgu pa'i bar le'u re res ston pa yin no/
/gzhan yang ye shes gsang ba la sogs pa'i rgyud la brten pa'i rdo rje zam pa'i man ngag rnams bai ro tsa nas spangs mi pham