[A:282]རྡོ་རྗེ་དང་མཇལ་ནས། དེ་ལ་ལཱུ་ནག་དྲིལ་གསུམ་ནཱ་རོ་པའི་ལུགས་དང་བཅས་པའི་བདེ་མཆོག་དབང་དང་བཅས་པ་གསན། དཱ་ཆེན་པོ་འདི་བྱང་ཆུབ་སེམས་དཔའ་དཱ་ན་ཤྲཱི་ཡིན། འདིས་མངའ་རིས་སུ་ཡང་བྱོན་འདུག ནཱ་ལེནྡྲར་བྲམ་ཟེ་རིན་ཆེན་རྡོ་རྗེའི་དབོན་པོས་ན་རྩེ་ཟླ་བ་ལ་རྡོ་རྗེ་རྣལ་འབྱོར་མའི་རྒྱུད་སྒྲུབ་ཐབས་ཞུས། དེ་ནས་ལོ་སུམ་ཅུ་བཞེས་པ་ལ་བོད་དུ་བྱོན། ཡབ་གཤེགས་པའི་འདད་དང་བསྲེགས་ལེགས་པར་མཛད། དེ་ནས་རང་ཡང་སྒྲུབ་པ་མཛད་བཞེད་པ་དང༌། ལྷ་རྗེ་མའི་གསུང་གིས་ཀྱང་བསྐུལ་ནས། ལོ་སོ་གཅིག་ནས་འཁོན་ཕུ་རྫིངས་ཀྱི་བྲག་དམར་དུ་སྒྲུབ་པ་མཛད། ལོ་གཉིས་སོང་བ་དང་ལྕམ་དྲལ་གཉིས་གས་ལམ་འབྲས་གསན་དུ་བྱང་དུ་བྱོན། དེ་ནས་ཇོ་མོ་གཉིས་ཀྱང་ཁབ་ཏུ་བཞེས། འཁོན་ཕུར་སླར་སྒྲུབ་པ་མཛད་ནས་དམ་བཅའ་རྫོགས་པར་མཛད། ཡང་ལོ་བཞི་བཅུ་རྩ་བཞི་བཞེས་པའི་ཚེ་འཁོན་ཕུའི་གནས་མི་འདྲ་བ་མང་པོར་བཞུགས། དེ་ནས་བྲིན་སྙེ་ནམ་དང༌། ཕ་དྲུག་དང༌། ལ་སྟོད་ལྷོ་བྱང་གི་གནས་མང་པོར་བཞུགས་ནས་གདུལ་བྱ་མང་པོ་ལ་གྲུབ་སྙིང་ལ་སོགས་པའི་ཁྲིད་བསྐྱངས། སེ་བྱང་པ་སྐུ་གཤེགས་པའི་སློབ་མ་དགེ་བཤེས་སྲད་ཆེན་པོ་བྱ་བ་ལ་སོགས་པ་རྣམས་ཀྱི་ཆོས་འཕྲོ་ཅན་དུ་ཡོད་པ་རྣམས་ཀྱང་ལེགས་པར་བསྐྱངས། གཞན་ཡང་བྲིན་སྙེ་ནམ་འཁོན་ཕུའི་དབེན་པ་རྣམས་དང༌། ལ་སྟོད་ལྷོ་བྱང་གི་ཡུལ་མང་པོར་ཆོས་ཀྱི་འཁོར་ལོ་ལེགས་པར་བསྐོར་བས། སྒྲུབ་པ་དང་བཤད་པའི་གྲྭ་གཉིས་ཀ་སྟོབས་ཆེ་བར་མཛད་དེ། དེའི་ཚེ་ཞ་མ་ལྕམ་སྲིང་ཞེས་