[A:754]བཞུགས། དངུལ་བྲེ་དང་གསེར་ཕོར་དང་ན་བཟའ་མང་པོའི་འབུལ་བ་བྱུང༌། ཁྲ་འབྲུག་དང་རྩེས་ཐང་རྣམས་སུའང་ཕེབས། ཚོང་འདུས་སུ་ཞག་གཅིག་བཞུགས་ནས་ཐེལ་དུ་ཕེབས། ཐེལ་བས་བསུ་བ་རྒྱ་ཆེན་པོ་མཛད་ནས་འཇག་སྤྱིལ་དུ་སྐུ་འདྲ་རིན་པོ་ཆེ་ལ་མཇལ་བའི་ཚེ་སྨོན་ལས་མང་དུ་མཛད་ཅིང་འདུག །སྐུ་འཁོར་རྣམས་ལ་བྱིན་རླབས་ཕེབས། ཉམས་འུར་བ་མང་པོ་བྱུང༌། སྤྱན་སྔ་བསོད་ནམས་གྲགས་པའི་དྲུང་དུ་འབུལ་བ་ཆེན་པོ་དང་མང་སྐོལ་ལ་སོགས་མཛད་ཅིང༌། ཐེལ་པས་ཀྱང་ཞབས་ཏོག་འབུལ་པ་བསམ་གྱིས་མི་ཁྱ་པ་མཛད། སྟག་ལུང་བྲག་མགོར་ཡང་ཕེབས། དེ་ནས་ཕྱིར་ལམ་ལྷ་ས་དང་གླང་ཐང་ལ་སོགས་སུ་བྱོན། ཁྱད་པར་དུ་རྒྱ་བྲག་ཏུ་ཕེབས་ནས་ཆོས་གསུངས་པས་མེ་ཏོག་གི་ཆར་རྡུལ་ནོན་ཙམ་དུ་བབ། འདིའི་སྐབས་སུ་ཆོས་རྗེ་དེ་བཞིན་གཤེགས་པ་ལ་རྒྱའི་གདན་འདྲེན་གྱི་ཏ་ཞིང་གིས་སླེབས། རྟོགས་ལྡན་ཤོ་ནག་རྒྱ་བོ་ཇ་འདོད་པ་དང༌། སྒོ་མོ་རིན་པོ་ཆེ་བཟང་དཔལ་བ་མར་འདོད་པ་རྣམས་མཁྱེན་ནས་བྱིན་པ་དང༌། ལྷ་ཆེན་བཞེངས་དུས་འདིར་བརྐོས་གསུང་ནས་བརྐོས་པས་རྡོ་ལུང་བྱུང་བ་དང༌། མཐིང་གི་བུམ་པའི་ལུང་ཐག་ཆད་པར་ཉེ་བ་མཁྱེན་པ་ལ་སོགས་པའི་མངོན་པར་མཁྱེན་པས་མཁྱེན་པའི་གསུང་དང་མཛད་པ་ཡང་གྲངས་ལས་འདས། སྐབས་ཤེད་དུ་ཤིན་ཏུ་མཉེལ་བ་ཅིག་བྱུང་ནས། སྐུ་རིམ་དུ་གསུང་རབ་ཀྱི་རྡུལ་སྤྲུག་ཀློག་འདོན་བཙུགས་དགེ་འདུན་ཕྱེད་དང་སུམ་བརྒྱས་ལོ་གསུམ་ན་ཚར། སྐབས་དེར་མངའ་རིས་བའི་འབུལ་བས་སླེབ། སྔོན་