[A:772]ལྡན་རྒྱལ་པོ་དགེ་མཛེས་འོད་ཀྱིས་ཆུ་མོ་ཡོས་ནས་ལྕགས་འབྲུག་གི་བར་ལོ་སུམ་ཅུ་རྩ་བརྒྱད་གདན་ས་མཛད། གཙུག་ལག་ཁང་ཆེན་མོ་བཏབ། དེའི་རྗེས་སུ་མཁར་ཆུ་བ་ཆོས་བསམ་འོད་ཀྱིས་ལྕགས་སྦྲུལ་ནས་ས་ཁྱིའི་བར་ལོ་བཅོ་བརྒྱད་གདན་ས་མཛད། འདི་གྲུབ་ཆེན་ཨུ་རྒྱན་པའི་སློབ་མར་རྡོ་རྗེ་རྣལ་འབྱོར་མས་ལུང་བསྟན། དེ་རྗེས་ས་མོ་ཕག་ནས་ཟྭ་ར་བ་བདེ་ལེགས་འོད་ཀྱིས་ཆུ་ཁྱིའི་བར་ལོ་ཉི་ཤུ་རྩ་བཞི་གདན་ས་མཛད། གཉལ་ཚན་གསུམ་དུ་ཐར་པ་གླིང་གི་གདན་ས་མཛད། དེ་རྗེས་གདུང་བརྒྱུད་པ་བཀྲ་ཤིས་འོད་ཀྱིས་ཆུ་མོ་ཕག་ནས་ལྕགས་ཕོ་སྟག་གི་བར་ལོ་ཉི་ཤུ་རྩ་བརྒྱད་གདན་ས་མཛད། འདི་ལོ་ཙཱ་བ་གྲགས་པ་རྒྱལ་མཚན་གྱི་ཡང་སློབ་མ་ཡིན། འདིས་གདན་ས་ལྷ་གྲགས་པ་འོད་པ་ལ་གཏད་ནས་ཁོང་རང་ཀུན་སྤངས་མཛད། ལྷ་གྲགས་འོད་པ་ནི། ཤིང་མོ་ཕག་ལ་འཁྲུངས་ནས་བཅུ་བདུན་པ་ལྕགས་མོ་ཡོས་ནས་ཤིང་ཕོ་སྤྲེའུ་བར་ལོ་ང་བཅུ་རྩ་བཞི་གདན་ས་མཛད་དེ། རང་ལོ་བདུན་ཅུ་པ་ལ་གཤེགས། འདི་ནས་གདན་ས་ལྷས་གཟུང་བ་ཡིན། འདིས་ཆོས་རྗེ་བླ་མ་དམ་པའི་གཟིམས་གཡོག་ཀྱང་མཛད། བུ་སྟོན་རིན་པོ་ཆེ་ལ་སོགས་མང་དུ་བསྟེན་ནས་ཆོས་མང་དུ་གསན། འདི་ལ་ཆོས་རྗེ་ལྷ་ཁང་སྟེངས་པས་གཏུགས་ནས་ཆོས་མང་དུ་གསན་ནོ། །དེ་རྗེས་ལྷ་བསོད་ནམས་འོད་ཟེར་པས་ཤིང་མོ་བྱ་ནས་མེ་ཕོ་རྟའི་བར་དུ་ལོ་ཉི་ཤུ་རྩ་གཉིས། དེ་རྗེས་སྤྱན་སྔ་བསོད་ནམས་འོད་མཛེས་པས་མེ་ལུག་ནས་ཆུ་སྤྲེའུ་བར་ལོ་ཉི་ཤུ་རྩ་དྲུག དེ་རྗེས་བྱ་ལོ་ལ་གདན་ས་མེད། དེ་རྗེས་ཤིང་ཕོ་བྱི་ལ་