[A:840]བར་མར་འཁྲུངས། གཞོན་དུས་ནས་གདན་ས་ཐེལ་དུ་སྤྱན་སྔ་གསེར་ཐོག་པའི་ཞབས་ལ་གཏུགས། སྐྲ་བཞར། ཆོས་ཞུས། ཤེས་རབ་རྒྱལ་མཚན་གྱི་མིང་གནང༌། དེ་ནས་འབྲུག་པའི་སྒོམ་ཆེན་བཟང་པོ་ཞིག་ཡུལ་ན་བཞུགས་པ་དང་ལྷ་སྒོམ་གཉིས་ཀྱི་ཞབས་ལ་གཏུགས། དེ་ནས་ཁ་རག་ལྷ་མཚོར་འཁྲུལ་ཞིག་ཁམས་པའི་དྲུང་དུ་དཀའ་ཐུབ་མང་པོ་ཞུས། བ་ཡུལ་གཡུ་མཚོར་སོང་ཞིག དེར་དོན་གྲུབ་པར་ལུང་བསྟན། དེ་ལ་ཉན་ནས་བ་ཡུལ་གཡུ་མཚོར་བྱོན་ཞིང༌། དེར་དེའུ་ཅིག་གི་ཁ་ན་སྤྱིལ་བོ་འདུག་པར་དཀའ་ཐུབ་ལ་བརྟེན་ནས་སྒྲུབས་པ་བྱས། ཆོ་འཕྲུལ་ཡང་ཆེ་བར་བྱུང༌། སྤྱིལ་པོ་དེ་ཉིད་ཀྱི་འོག་གཏིང་རིང་པོ་མ་ཡིན་པ་ཞིག་ནས། དང་པོར་སོལ་བ་ཐོར་གྱིས་བྱུང༌། དེ་ནས་བྲུས་པས་ལ་ཅའི་འབོལ་དོ་ཅིག་བྱུང༌། དེ་བཅག་ནས་བལྟས་པས་སྒམ་པོའི་རྒྱབ་ཀྱི་མཚོ་མཎྜལ་ནག་པོ་ལ་རྗེ་སྒམ་པོ་བས་སྦས་པའི་གཏེར་གྱི་ཁ་བྱང༌། འདོན་པ་པོ་ཡང་རང་ཉིད་ལུང་བསྟན་པར་ལེགས་པར་གོ་ནས་གནས་དེ་ནས་འགྲོ་བར་འདོད་པ། གཡེ་ཕྱོགས་ཁ་བ་མཐུག་ཆེས་པས་ལམ་མ་དོད། ཤིང་དང་ཐག་པ་འཐུད་ནས་དྭགས་པོ་ཕྱོགས་ཀྱི་གཡང་ཆེན་པོ་ལ་བབས་ཏེ། ཉ་བའི་གྲུས་གཙང་པོ་བརྒལ་ཏེ་སྒམ་པོར་བྱོན། རིན་པོ་ཆེ་རྡོར་བློ་བ་ལ་བསྙེན་པར་རྫོགས་ནས། མཚན་རིན་ཆེན་བཟང་པོར་བཏགས། དགོངས་གཅིག་བཀླག་ལུང་ཅིག་ཀྱང་ཞུས། ཤིང་མོ་ཡོས་དང་མེ་ཕོ་འབྲུག་གི་ལོ་མཚམས་སུ་གནམ་སྟོང་ཅིག་ལ་ཐོན་བྱ་བ་འདུག་པས། ཤིང་ཡོས་རྒྱལ་ཟླའི་ཉེར་དགུའི་ཉིན་གཡོག་ཅིག་ཁྲིད་དེ་