[A:841]ཕྱིན་པས། ཀུན་གྱིས་གནས་མི་རྙེད་ཟེར་པ་ལ་ལམ་ཡིག་ཇི་ལྟ་བ་བཞིན་བྱོན། རྙེད་ནས་མཚོ་འོག་མའི་ཁྱག་པའི་སྟེང་ན་ཁྲོའི་ནེའུ་ལེའི་གཟུགས་སེར་ཡེར་རེ་འདུག་པ་གཡོག་པོས་མཐོང་ནས། འདི་རྒོད་ཤི་བའི་བྲང་ཡིན་བཏོན་པ་དྲག་ཟེར་ནས་ཁོས་རྡོས་བཙོགས་པ་ལ། ལུང་སྟོང་གི་མཚོ་གཉན་ལ་འདི་འདྲ་བྱེད་པ་མཛེ་ཉོ་བར་འདུག་བྱས་བྲོས་པས་ཁོ་ཡང་བྲོས་བྱུང་ཁོ་སྒམ་པོར་སློག་ཤུག་པ་མི་གང་བ་ཅིག་བཅད་ནས་དར་དཀར་པོ་ཁ་གང་བཏགས་ཏེ། མཚོ་འགྲམ་དུ་བཙུགས། དྭགས་ལྷ་སྒམ་པོ་དང༌། བཙན་ཅིག་སོགས་ལ་གསོལ་མཆོད་དགོས་འདུག་པའང་བྱས། ཁྱག་པ་བསྐུམ་ཁྲུ་གང་གི་འོག་ནས་རྡོ་སྒྲོམ་ཅིག་གི་ནང་ན་ནེའུ་ལེ་ཅིག་འདུག་པ་དེ་ཚ་ཕྱིས་བྱས་བཏོན་པས་ཐོན། དེ་སྐམ་སར་ཁྱེར་མེ་བུས་ནས་བསྲོས་པས་ལ་ཆ་ཞུ་ནས་ཁ་བྱེ་བས། ཆོས་གཏེར་རྣམས་པགས་པས་ཕྱི་དྲིལ་དར་སྣ་རིན་པོ་ཆེ་འབྲུ་སྣ་ལྔ་དང་བཅས་པའི་ཤོག་དྲིལ་འདུག་པ་ལ་ལོ་རྒྱུས་དེ་བློ་ལ་གཟུང༌། གཏེར་དཔེ་དེ་ནེའུ་ལེར་བཅུག་ནས་རྫ་གསེབ་ཏུ་སྦས། གཞན་རྣམས་ཁྱེར་ནས་སྒམ་པོར་འོངས། འཕྲོག་མི་བྱུང་དོགས་ཞག་མང་པོ་མ་ལོན་པར་བྲོས་ཏེ་ཕྱིན། དེ་ནས་ཙ་རིར་སླེབ། ཀཱ་ལ་དུང་མཚོར་ལོ་སྒྲུབ་བྱེད་བྱས་པས་གྲོགས་རྣམས་ཀྱིས་འཇིགས་མང་པོ་བསྐུར་ནའང་ང་རང་གིས་ཤེས་སྙམ་ནས་བྱོན། སྤྱིལ་པོ་བརྩེགས་ནས་ཆས་བསགས་ཏེ་ལོ་སྒྲུབ་ལ་བཞུགས། སྟོན་ཁ་བ་མགོ་མ་བབ་དུས་སུ་གནས་སྐོར་བའི་རི་བ་བརྒྱད་བརྒྱ་ཙམ་བྱུང་བ། གཞན་རྣམས་ཡུལ་སྟོད་དུ་སོང་ནས། མཚལ་པ་ཕྱུག་པོ་བའི་འགྲོ་མགོན་རིན་ཆེན་མཛེས་བྱ་བ་ཅིག་