[A:216]gnang nas sog pos sangs rgyas ye shes la rim par brgyud pa ste/ lugs gcig go
'di'i spangs sangs rgyas mgon po ni/ rdo rje zam pa ba dag gi spangs mi pham mgon po dang gcig pa 'dra'o/
yang brgyud pa gzhan rtsad tsha shAka rdor gyis bshad pa ni/ spangs kyis sba rakShi ta la bshad/ des ya zi dar ma shes rab/ zer mo dge slong ma bde gnas ma la bshad/ rjes mar pa shes rab 'od pas/ des lha rje can bka' drin nod du 'ongs pas/ der bsnyun drag po cig byung ba shangs kyi lang za ston pa dar ma bsod nams kyis bcos pas/ de'i lan du rdo rje me long dang / lam rnam bkod dang / zab mo dbang gi man ngag rnams dang / mdo'i 'grel pa lung bstan rdo rje dang / sems phyogs kyi chos skor ma lus pa rnams gnang / des sgro sbug pa la gnang / des shAkya rdo rje la gnang ngo /
yang yi ge gzhan na/ bi ma la nyid kyis thal ba la sogs pa'i sgyu 'phrul gyi bshad rgyud rnams jo mo sgre mo la gnang / des mar pa shes rab 'od la gnang / des langs ston la gnang zer ba 'dug ste/ de lta na jo mo zer mo dang sgre mo gnyis don gcig pa 'dra'o/
/'di dag rmongs pa chos la log par rtog pa dag gi sdig pa chen po bsal ba'i slad du/ bla ma brgyud pa'i yon tan dang ldan pa'i phyogs tsam brjod pa ste/ bdag nyid kyis ni/ gsang bdag mda' tsha hor po nas 'gro mgon dam pa shAkya rgyal/ mkhas pa lce ston yab sras/ bla ma thang ston 'bum me/ chos rje bla skyabs rdo rje/