[A:71]byed/ /byang gi phyogs la brten nas ni/ /de yi tshe na 'byung bar 'gyur/ /lha ldan yul zhes bya ba yi/ /gangs can ri yi nang gnas pa'i/ /rgya po mi yi lha zhes pa/ /li tsa byi rnams rigs su byung / /de yang sngags kyi don sgrub ste/ /longs spyod tshe dang ldan par 'gyur/ /rig pa longs spyod ldan zhes bya/ mi yi bdag po de yang grub/ /lo ni brgyad cur rgyal srid byas/ /des ni rkun ma rnam par spangs/ /rgyal po des ni srog spangs nas/ /der yang sngags ni myur 'grub ste/ /zhi dang rgyas pa bsil byed pa'o/ /'jig rten sgrol ma zhes grags dang / /lha mo gos dkar mo dang ni/ /dkar mo chen mo gzhan phan brtson/ /rtag tu yid ni mi skyo ba'o/ /de la sogs pa gsungs pa yi/ /de bzhin rgyal po mang po ni/ /rnam pa du ma mang po dag kha dog sna tshogs sna tshogs gzugs/ kha ba can gnas kla klo'i rgyal/ /de yang ston pa mchod byed pa'o/ /khyu mchog khyu mchog bzang po dang / /sa 'od de bzhin sa 'od bzang / /de bzhin pha rol gnon nyid dang / /rkang pa'i 'gros zhes bstan pa yin/ /sa srungs dang ni be'u dang / 'od ldan nyid ni phyi ma yin/ /tha mar 'char rgyal ngang tshul te/ kla klo rnam pa sna tshogs yin/ /de 'og lugs ni rnam zhig cing / phyi rol skye dgus nye bar spyod/ /ces lung bstan pa yin te/ byang gi phyogs dang kha ba can ni grags che zhing / lha ldan ni lha sa'o/ /lo brgyad cur rgyal srid byed pa ni lo brgyad cu rtsa gnyis