[A:766]
g.yam bzang pa'i skabs/
'gro mgon gyi bu chen zwa ra'i skal ldan ye shes seng ge ni/ skye ba snga ma khams su tsi phug ces bya bar skyes pa'i tshe ming tsol ba/ rus klad ru yin/ de'i tshe yum ni dmar gza' padma zhes bya/ de'i dus su bal bod mtshams nas byon pa'i rnal 'byor pa bde mchog mkhan po zhig yod pa des dbang bskur/ rnal 'byor pa de la jo mo cig dang g.yog po nag po cig yod pa yang khong la gnang / yul de na mi spun lnga yod pa'i lnga tshigs kyis khong gi jo mo 'phrog khong rang gsod du byung bas bred nas mdzod phugs su nyal bas/ g.yog nag po de na re/ bred mi dgos ngas rug ge bsad pas chog zer/ kho'i lag pa'i mthil na ral gri'i mtshan ma'ang yod/ de nas rug ge bsad/ nges par dbang bskur ba'i slob dpon de bde mchog dang / jo mo de DA ki ma dang / g.yog po nag po de dpal mgon po yin par gda'/ zhes zwa ra ba nyid kyis gsungs/ zA ra ba sku tshe 'dir mon 'gar du 'khrungs/ gzhon dus ra 'tsho ba'i tshe ri kha nas phag mo gru pa'i dgon pa'i ri mthong ba tsam gyis sgom rang byung du shar/ sgom chen gnyis kyis sgom gyi gleng slongs byas pas/ de sgom yin na ngas kyang sgom shes par 'dug snyam nas/ dgon par byon nas 'gro mgon