[A:771]rtsa bdun byung zhing / de rnams mchod rten re bas byin rlabs che gsung / gnas gzhan dang yar klungs shar nub rnams su chos 'khor gyi gtso bo mdzad pa dang / chos khri byung ba la grangs ma byas la/ chos 'khor la byung ba'i 'bul ba rnams kyi thog nas zwa rar yang snga phyi mang du bskyal/ zwa ra ba sku gzi brjid dang ldan pa zhal 'dzum pa can gzigs pa'i snang ba yang mang du byung ngo / /dus zhig gi tshe shambu lcal du ser mdun la tshogs pa'i zhal brda' mdzad pas/ sbra dkar nag phyed dang bzhi brgya/ rab tu byung ba khri tsho phyed dang gnyis/ mkhan po khu pas dbu mdzad skos gtong ba sum brgya/ g.yam bzangs pa'i ri pa brgya tsho nyi shu rtsa gcig 'tshogs/ byar og og yan/ sga 'dra man/ dwags po krongs kha yan/ mon 'gar mgon po gdong man/ gro shul cha khrod tshun/ gangs par gser chu kha yan/ lho brag gtam shul tshun/ yar klungs bya sa'i bar la lam rgya mdzad/ gzhan don yun ring du mdzad nas dgung lo drug cu rtsa lnga pa lcags mo sbrul gyi lor gshegs/ 'dis gdul bya dpag tu med pa bskyangs pa'i nang nas/ slob ma sgom bzhir grags pa ni/ gnyal smad dpal ri ba sangs rgyas bya sgom/ gor gdong pa sangs rgyas lha sgom/ gser lte ba sangs rgyas le sgom/ dgon gsar pa sangs rgyas rgya sgom rnams so/ /chos rje gshegs rjes shing pho rta nas nye gnas rin chen jo sras kyis chu pho stag gi bar gdan sa lo dgu mdzad nas gshegs/ de'i rjes su rtogs