[A:༡༠༥ན]མན་འདྲ།
རྗེས་གནང་གི་གསལ་བྱེད་སོམ་ཉིའི་མུན་སེལ་ཞུ་ཆེན་རིན་པོ་ཆེས་མཛད་པའི་ལུང་ནི་དེ་ཉིད་ཀྱི་གསུང་འབུམ་བརྒྱུད་པ་ལྟར་ཏེ་འོག་ཏུ་ཤེས། །
༈ སྒྲོལ་མ་དཀར་མོ་ཡིད་བཞིན་འཁོར་ལོ་འོད་ཟེར་དྲུག་སྦྲགས་ཀྱི་སྐོར་ལའང་། དངོས་གྲུབ་སྒྲུབ་པའི་སྣོད་རུང་དུ་བྱ་བ་རྗེས་གནང་། དངོས་གྲུབ་སྒྲུབ་པའི་ཐབས་ཀྱི་དངོས་གཞི་དམིགས་ཁྲིད། དེ་དག་གི་རྒྱབ་རྟེན་ལུང་གི་རིམ་པའོ། །
དང་པོ་ནི། ཚར་ཆེན་རིན་པོ་ཆེའི་སྒྲུབ་ཐབས དང་། འཇམ་མགོན་མཁྱེན་བརྩེའི་རྗེས་གནང་ལ་སྙན་བརྒྱུད་ཞལ་ཤེས་ཀྱིས་བརྒྱན་ཏེ་ལེགས་པར་ཐོབ་པའི་རྩ་བའི་བརྒྱུད་པ་ནི། ཚར་ཆེན་ཡན་བརྒྱུད་འདེབས་དང་། རྒྱལ་དབང་ལྔ་པ་རིན་པོ་ཆེ། ཞུ་ཆེན་པཎྜི་ཏ་སོགས་ཀྱི་གསན་ཡིག་རྣམས་ལས་ཤེས་སླ། དེ་ནས་མཁྱེན་བརྩེའི་དབང་ཕྱུག །བསླབ་གསུམ་རྒྱལ་མཚན། དབང་ཕྱུག་རབ་བརྟན། ཞྭ་ལུ་མཁན་ཆེན་བསོད་ནམས་མཆོག་གྲུབ། མཁྱེན་རབ་བྱམས་པ་ངག་དབང་ལྷུན་གྲུབ། རྨོར་ཆེན་ཀུན་དགའ་ལྷུན་གྲུབ། གནས་གསར་བ་ཀུན་དགའ་ལེགས་པའི་འབྱུང་གནས། ས་ཆེན་ཀུན་དགའ་བློ་