[A:༢༧༥ན]
དཀོན་མཆོག་འབངས་ཀྱི་ཆོས་སྤྱོད། མཁན་ཆེན་བློ་གྲོས་རྒྱལ་མཚན་གྱི་རིགས་གསུམ་མགོན་པོའི་རྗེས་གནང་ཆོ་ག །འཇམ་མགོན་གུ་ཎའི་ཚེ་རིང་མའི་གཡང་ཆོག །རྡོར་སེམས་དང་། གཏུམ་ཁྱུང་གི་ཡིག་ཆ། གུང་ཐང་པའི་ཤྲ་བ་ཎའི་སྒྲུབ་སྐོར། རྗེ་བླ་མའི་སྒྲོལ་དཀར་དང་། ཚེ་ལྷ་རྣམ་གསུམ་གྱི་བསྟོད་པའི་སྐོར་བཅས་ཐོབ་པ་དང་། མ་ཐོབ་པའི་བརྒྱུད་པ་ལུང་བཅས་སླར་ཞིབ་ཏུ་བཙལ་དགོས་ཡོད་ཅིང་། རྗེ་བླ་མ་ཉིད་ཀྱི་གསུང་སྒྲོལ་དཀར་སྒྲུབ་ཐབས་རིལ་སྒྲུབ་བཅས། འོད་ཟེར་ཅན་མའི་མན་ངག་ཉེར་མཁོ། ཉེར་མཁོའི་ཆོས་སྤྱོད་མཛེས་རྒྱན་བཅས་མ་ཐོབ་ཅིང་ལུང་རྒྱུན་བཙལ་ཁུངས་དབེན་པས་ལུང་སྤེལ་གྱི་གནང་བ་ཞུ་བ་ལས་ཐབས་མ་བྱུང་ཞིང། དེ་མ་གཏོགས་པའི་དབང་རྗེས་གནང་བྱིན་རླབས། དེ་དག་དང་རྗེས་སུ་འབྲེལ་བའི་ཡིག་ཆ་རིགས་མ་ལུས་པ་རྗེ་བླ་མ་རྡོ་རྗེ་འཆང་ཆེན་པོའི་ཞལ་སྔ་དངོས་ནས་སྔ་ཕྱི་ལན་གཉིས་ཀྱི་སྐབས་སུ་ཡིད་ཆེས་པར་བཀའ་དྲིན་དུ་ཐོབ་པ་ཡིན་ནོ། །
དེ་ལྟ་བུའི་ཆོས་སྡེ་འདིར་བཀའ་དྲིན་གྱིས་ཁྱབ་ཀྱང་གནས་སྐབས་བསྒྲིག་ཏུ་མ་བྱུང་བ། འཁོན་ལུགས་ཕུར་པའི་གཏོར་དབང་གི་