[A:༢༧༥བ]རྗེས་འབྲེལ་སྨད་ལས་དྲག་པོ་སྒྲོལ་དབང་གི་དོད་ཟུར་ལུགས་མཚན་མ་རྫས་ཀྱི་ཕུར་པའི་བྱིན་རླབས། ཁ་ཆེ་པ་པཎ་ཆེན་ཤཱཀྱ་ཤྲཱིའི་ཐུགས་དམ་བཞིའི་ཡ་གྱལ་བདེ་མཆོག་དཀར་པོ་ཚེ་སྒྲུབ་བཅས། ཡང་དག་མེ་གཅིག་གི་གདམས་པ་རྣམས་ཀྱང་ཟབ་ཆོས་ལ་ཆོག་ཤེས་མི་བྱ་བ་རྣམས་ཀྱིས་བཙལ་ཞིང་དོན་དུ་གཉེར་བས་གདམས་ངག་གི་རབས་མི་གཅོད་པར་འོས་ཤིང་། སྒྲོལ་དཀར་སོགས་ཁྲིད་ཀྱི་སྐོར་དཀྱུས་སུ་བཞུགས་པ་རྣམས་གཞན་གྲུབ་རྒྱལ་ཚེ་ཁྲིད། ཚེ་སྒྲུབ་ཞག་བདུན་མའི་ཁྲིད། ཐུགས་རྗེ་ཆེན་པོའི་དམར་ཁྲིད་རིགས་ལྔ། ལྷན་སྐྱེས་རྣམས་དང་འབྲེལ་བའི་བདེ་ཀྱེ་གསང་གསུམ་གྱི་དམར་ཁྲིད་སོགས་སྒྲུབ་ཐབས་རིན་པོ་ཆེ་འདི་ཉིད་ཀྱི་གྲོལ་བྱེད་ལམ་གྱི་རིམ་པར་འཇོག་རྒྱུ་ཡིན་ཚུལ་རྗེ་བདག་ཉིད་ཆེན་པོའི་གསུང་དཔལ་ལྡན་བློ་གྲོས་རྒྱལ་མཚན་པའི་ཕྱག་ཐོར་ཐེབས་པ་ལྟར་འཆད་ཉན་མཛད་པ་རྣམས་ཀྱིས་ཡལ་བར་མི་འདོར་བར་ཞུ་ཞིང་། དེ་ལས་ཐུགས་རྗེ་ཆེན་པོའི་ཁྲིད་བསྡུས་རྗེ་བླ་མས་བརྒྱུད་འདེབས་བཅས་མཛད་པ་འདིར་བཞུགས་པ་ལྟར་དང་། གཞན་གྱི་དཔེ་རྒྱུན་བཙལ་ཞིང་སྐབས་སུ་བབ་པར་འདོམས་པ་ཡང་ཞར་བྱུང་དུ་གསོལ་བ་ལགས།
དེ་ལྟ་བུའི་ཐོབ་ཡིག་འདི་ནི་