[A:༣༢༠བ]འགུགས་པ་ཞུ་བའི་བསམ་གཏན་རིགས་མ་མི་བསྲུན་པ་འདུལ་ཐབས་བུ་མོ་རེངས་པའི་སྦྱོར་བ་རྣམས་མེ་བྱིར་ཤམྦྷ་ལར་དཔལ་གྱི་ཡང་དགོན་དུ་མཛད་པ། དབང་དང་འགུགས་པའི་ཆོ་ག་འཇིག་རྟེན་གསུམ་རྣམ་པར་གནོན་པ་མཚུར་ཕུའི་གཙུག་ལག་ཁང་དུ་མཛད་པ། དྲག་པོའི་ཆོ་ག་གཤིན་རྗེའི་གཟུགས་ལ་བརྟེན་ནས་དགྲ་སྡེ་འཕུང་བར་བྱ་བའི་མན་ངག་འཇིག་རྟེན་གསུམ་གྱི་བཤན་པ་ཆེན་པོ་རྣམ་པར་རོལ་པ་སྐལ་ལྡན་སྦྱིན་པ་རིན་ཆེན་གྱི་ཆེད་དུ་མཛད་པ། འཇིག་རྟེན་གསུམ་གྱི་བཤན་པ་ཆེན་པོ་རྣམ་པར་རོལ་པ་མ་གྲུབ་ན་སྤོགས་པའི་ཆོ་ག་འཇིག་རྟེན་གསུམ་ཟ་བ་མེ་ཕོ་བྱི་བའི་ལོར་མཛད་པ། བསད་པའི་ཕྲིན་ལས་གའུ་སྲོ་བའི་མན་ངག་ས་གསུམ་རྣམ་པར་འཇོམས་པའི་འཁྲུལ་འཁོར་མི་བྱིར་མཚུར་ཕུའི་གཙུག་ལག་ཁང་དུ་མཛད་པ། ཡང་གནས་དེ་ཉིད་དུ་མཛད་པའི་སྡིག་པ་སྦྱོང་བའི་ཆོ་ག་སྦྱིན་སྲེག་དང་འཁྲུལ་འཁོར་སྦྲགས་པ་འཇིག་རྟེན་གསུམ་འཕུང་བར་བྱེད་པ། མཛའ་བ་དབྱེ་བར་བྱེད་པ་ཤམྦྷར་མདུ་མཛད་པ། ཡང་གནས་དེ་ཉིད་དུ་མཛད་པའི་སྡང་བ་ཡུལ་ནས་དབྱུང་བ་བསྐྲད་པའི་འཁྲུལ་འཁོར། གནས་དེ་ཉིད་དུ་མཛད་པའི་གཡམ་པ་ལ་བརྟེན་ནས་རེངས་