[A:༣༤༦བ]བཛྲ་ལ་དགྱེས་བཞིན་དུ་བསྩལ་བའོ། །རྗེས་གནང་མཁན་ཆེན་རྡོ་རྗེ་འཆང་ངག་དབང་བློ་གྲོས་གཞན་ཕན་སྙིང་པོ་དང་། ཞབས་དྲུང་རིན་པོ་ཆེ་ངག་དབང་བློ་གྲོས་བསྟན་འཛིན་སྙིང་པོ་གཉིས་ལས་ཐོབ་པའི་བརྒྱུད་རིམ་གོང་སྒྲུབ་བཏུས་ལྟར་རོ། །
༒ ཕྱི་རོལ་སྣང་བའི་ཡུལ་དུ་དྲེགས་པ་གསུམ། །ནང་དུ་རྡོ་རྗེའི་ལུས་ཀྱི་རྩ་ཁམས་གསུམ། གསང་བར་སེམས་ཉིད་གསལ་སྟོང་ཟུང་འཇུག་གསུམ། །དབྱེར་མེད་སྲིད་ཞིའི་མགོན་པོའི་ཆོས་ཀྱི་སྐོར། །དེའང་འཛམ་གླིང་བསྟན་པའི་མངའ་བདག་ལྷ་མཆོག་འཇམ་པའི་དབྱངས་ཀྱི་སྒྱུ་འཕྲུལ་རོལ་པ་རྗེ་བཙུན་ས་སྐྱ་པ་ཡབ་སྲས་ལ་བསྟན་པ་སྲུང་བའི་མཚོན་ཆར་ཆོས་སྐྱོང་བའི་སྲུང་མ་གྲངས་མེད་པ་ཞིག་བཀའ་བབས་པའི་ནང་ནས་རྒྱ་གར་མ་ག་དྷ་རྡོ་རྗེ་གདན་གྱི་སྒོ་སྐྱོང་འཕགས་ཡུལ་པཎ་གྲུབ་རྣམས་ཀྱི་སྲུང་མའི་གཙོ་བོ། ནག་པོ་ཆེན་པོ་གུར་གྱི་མགོན་པོ་ནི། མཁའ་འགྲོ་མ་རྡོ་རྗེ་གུར་གྱི་རྒྱུད་ལས། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ནག་པོ་ཆེན་པོ་འདི་ཉིད་སྐུ་དང་གསུང་དང་ཐུགས་རྡོ་རྗེ་ལས་བྱུང་ངོ་། །ཞེས་འབྱུང་བ་ལྟར། བཅོམ་ལྡན་འདས་རྡོ་རྗེ་འཆང་ཆེན་པོའི་སྐུ་གསུང་