[A:346b]badzra la dgyes bzhin du bstsal ba'o/ /rjes gnang mkhan chen rdo rje 'chang ngag dbang blo gros gzhan phan snying po dang / zhabs drung rin po che ngag dbang blo gros bstan 'dzin snying po gnyis las thob pa'i brgyud rim gong sgrub btus ltar ro/ /
༒ phyi rol snang ba'i yul du dregs pa gsum/ /nang du rdo rje'i lus kyi rtsa khams gsum/ gsang bar sems nyid gsal stong zung 'jug gsum/ /dbyer med srid zhi'i mgon po'i chos kyi skor/ /de'ang 'dzam gling bstan pa'i mnga' bdag lha mchog 'jam pa'i dbyangs kyi sgyu 'phrul rol pa rje btsun sa skya pa yab sras la bstan pa srung ba'i mtshon char chos skyong ba'i srung ma grangs med pa zhig bka' babs pa'i nang nas rgya gar ma ga dha rdo rje gdan gyi sgo skyong 'phags yul paN grub rnams kyi srung ma'i gtso bo/ nag po chen po gur gyi mgon po ni/ mkha' 'gro ma rdo rje gur gyi rgyud las/ de nas bcom ldan 'das rdo rje 'dzin pa chen pos nag po chen po 'di nyid sku dang gsung dang thugs rdo rje las byung ngo / /zhes 'byung ba ltar/ bcom ldan 'das rdo rje 'chang chen po'i sku gsung