[A:༣༤༨བ]དཀར་བ་ལས་བརྒྱུད་པ་དང་། ཁའུ་བྲག་རྫོང་པ་ལས་བརྒྱུད་པའི་ལུགས་སྲོལ་རྣམས་ལས། ཕྱི་མའི་ནང་དུ་གོང་མ་གསུམ་ཡང་འདུས་པར་བཞེད་པའང་ལུགས་སྲོལ་འདི་ཉིད་ཀྱི་ཕྱོགས་ལ་བཀའ་དྲིན་གཞལ་དུ་མ་མཆིས་པའི་སྙན་བརྒྱུད་བསྟན་པའི་སྲོག་ཟུངས་ཆེན་པོར་གྱུར་པ་ཚར་ཆེན་རྡོ་རྗེ་འཆང་ཆེན་པོ་བློ་གསལ་རྒྱ་མཚོའི་ཞལ་སྔ་ནས། ཁྱད་པར་ནག་པོ་ཆེན་པོའི་མན་ངག་ནི། །བརྒྱུད་ལྡན་བླ་མ་བཅུ་ཕྲག་གཅིག་ལ་ཞུས། །འགྲན་ཟླ་ཀུན་བྲལ་དྲིན་ཅན་རྡོ་རིངས་པའི། སྙན་བརྒྱུད་ཟབ་མོ་བུམ་པ་གང་བྱོར་ཐོབ། །ཨེ་ཝཾ་པ་ནི་བསྡུས་པ་སྤྲོས་པ་ཆུང་། །མུས་སྲད་པ་ནི་དཀར་ཆག་ཁྲིགས་ཆགས་ཅན། །རྡོ་རྗེ་གདན་པ་འཆམས་དང་ནུས་པའི་བདག ། ཁོ་བོས་ཐོས་པའི་ཐུན་མོང་བརྒྱུད་པ་གསུམ། །ཞེས་སྔ་མ་གསུམ་པོ་ཐུན་མོང་བར་བཞེད་ཅིང་། དེ་དག་ཀྱང་ཐུན་མོང་མ་ཡིན་པའི་རིན་ཆེན་སྒང་པ་སྒོས་ཀྱི་ཞལ་ངོ་ནང་བརྒྱུད་སྙན་བརྒྱུད་འདིར་བསྡུས་པ་ཡིན་ནོ་ཞེས་བཞེད་དོ། །
གང་ལྟར་ཡང་འདི་ཉིད་ཇི་ལྟར་འཆད་པར་བྱེད་པ་ལ། སྙན་བརྒྱུད་ཚད་མ་བཞི་ལྡན་གྱི་ཚུལ་དུ་འཆད་དེ། སྤྱིར་གསང་ཆེན་གདམས་པའི་ཆོས་སྐོར།