[A:581b]srid dang zhi ba'i skyon yon legs phyes shing/ /
lam dang lam min 'jug ldog ma nor bar/ /
'doms mkhas bshes gnyen dam pas rjes bzung ba/ /
'dul 'dzin legs pa'i lam ston de la 'dud/ /
gang la zab mo'i chos tshul legs nos pa/ /
de yi mtshan byang brgyud pa'i rim pa bcas/ /
ma nor yid kyi ngos su rnam bkra ba'i/ /
gzugs brnyan dran pa'i rten du 'god la spro/ /
zhes mchod brjod dam bca' nyung ngu sngon du btang nas/ 'dir o rgyan rnam sprul bdag chen rdo rje 'chang drag shul phrin las rin chen sku dngos kyi zhal slob lha khang mkhan chen byams pa 'jam dpal bzang po las nos skor la/ thog mar gsung ngag rin po che tshogs bshad kyi khrid lung dbang byin rnams nos tshul ni/ rdo rje 'chang nyid kyis mdzad pa'i 'chad thabs bzhin/ paN chen ngag dbang chos grags kyi yig steng nas slar yang nos pa ni spyir gdams ngag 'di/ rje btsun rin po ches/ chos kun tshad ma bzhi yis gtan la dbab/