[A:582a]ces gsungs pa ltar/ bla ma tshad ma/ nyams myong tshad ma/ bstan bcos tshad ma/ bka' tshad ma ste tshad ma bzhi yis gtan la 'bebs par mdzad pa las/ dang po bla ma tshad mar bya ba la nges shes khyad par can bskyed pa la/ bla ma brgyud pa'i rnam thar dang / brgyud pa'i gsol 'debs rnams nyan dgos pas/ de yang gsung ngag sngon 'gro lam gyi gzhi bca' ba la/ mkhan chen ngag dbang chos grags kyi snang gsum snying po'i legs bshad kyi steng nas bkri skabs dbur/ des mdzad pa'i gsung ngag rin po che byung tshul khog dbub zin thun gyi rnam bshad skabs bsdus tsam re 'byung zhing/ rgyab chos su/ rgya bod kyi bla ma brgyud pa'i rnam thar rje btsun chen pos mdzad pa glegs bam pod ser na bzhugs pa sogs rim par gnang dgos kyang sngon du ngor e wa~M chos ldan gyi mkhan chen rdo rje 'chang ngag dbang blo gros gzhan phan snying po las gsung ngag lam 'bras tshogs slob gnyis snga phyir zhus skabs