[A:347a]
thugs dbyer mi phyed pa'i sprul par bstan pas phyogs re tsam gyi sprul pa'i bstan srung gzhan las ches khyad par du 'phags pa'i phyir bstan srung kun gyi gtso bo ste/ tshul de la dgongs nas kun mkhyen mkhyen brtse'i dbang phyug gis/ bgrang yas bstan srung kun gyi sde dpon che/ /dran pas snying gi mun sel rdo rje gur/ /zhes ched du brjod pa'ang sgro skur gyis dben pa'i rang bzhin brjod pa'i rgyan kho na ste/ de'ang dpal kye rdo rje'i bshad pa'i rgyud rdo rje gur dang / mgon po mngon par 'byung ba/ lhan mo'i khungs 'phags yul na bzhugs pa'i gdan bzhi'i rgyud rgyas pa la sogs pa rnams las gsal bar bstan/ bka' lung gi 'grel byed dam pa 'phags pa'i yul du grub pa mchog gi sa la bzhugs pa'i slob dpon bram ze mchog sred la sogs pas dar zhing rgyas par mdzad/ bsil ldan kha ba'i ljongs 'dir ma hA paNDi ta ga ya dha ra dang / don yod rdo rje/ shaddhA ka ra warma dang / shAkya shrI rnams las brgyud de byon pa 'jam dpal rdo rje/ rje btsun sa skya pa yab sras rnams