[A:347b]kyis ches cher gsal bar mdzad de/ ma hA kA la'i chos skor gyi brjed byang bsam 'phel nor bu'i phreng ba las/ khyab bdag gur gyi mgon po'i chos skor ni/ 'phags pa'i yul du paN grub rnams kyis phyes/ /rgyud rgyal ma dros chu gter las byung ba'i/ /bka' babs rnam bzhi'i gdams pa'i chu rgyun ni/ /lo tsA rnam bzhi'i gsung gi 'babs stegs las/ /legs 'ongs sa skya'i bla chen thugs mtshor 'khyil/ /gang de'i gsung gi bdud rtse'i zeg ma ni/ /phyogs brgyar 'phros pas kha ba'i sman ljongs 'dir/ /zab don sbu phreng bye bas phyug pa yi/ /rjes 'brangs chu klung rnam bzhi ring du babs/ zhes pa ltar/ rgyud rgyal rnams kyi gdams pa'i snying po 'phags yul pan grub rnams kyis srol rgyas bsdus sna tshogs shig btod pa'i nang nas/ rnal 'byor dbang phyug barWi pa las brgyud pa'i lam 'bras pa'i gur gyi mgon po'i gdams pa lo chen 'brog mis bsgyur ba 1 dang / bla ma rdo rje gdan pa las brgyud pa sgrub thabs kun las btus pa'i lugs kyi mgon po'i gdams pa ba ri lo tsA bas bsgyur ba dang /