[A:355b]zhes gsungs pa lta bu'i nyams khrid smin rgyas dang / rdo rje nag po chen po'i nang khrid ma gsang khrid du grags pa ni/ nang rtsa gsum 'khor lnga la brten nas bsgrubs pas nang sgrub/ gsang ba sems kyi gnad la brten nas bsgrubs pas gsang sgrub tu grags shing / 'di la thun mong dang / thun mong ma yin pa gnyis yod pa las/ gnyis ka'i rtsa bar gyur pa gong pas mdzad pa'i man ngag mdor bsdus/ de nyid cung zad rgyas su btang ba dam pas mdzad pa dang / gsang rten lus la sba ba'i yig chung rnams dang / zhal shes la brten nas nang khrid thun mong ba rnal 'byor dbang phyug chen po yar klung pa seng ge rgyal mtshan gyis mdzad pa'i bsnyen sgrub thun mong ma yin pa'i man ngag la sogs pa rgya cher bzhugs shing / 'di'i skabs su/ rgyal dbang thams cad mkhyen pa ngag dbang blo bzang rgya mtshos/ yar klung pas mdzad pa'i man ngag 'di yi ge nag 'gros lta bur bkod pa'i thog ma yin 'dug pas de'i gsung las/ gzhan gyis bskul phyir gzhan don bsam pas bris/ /snyigs dus nub par dogs pas 'dir brjod bya/ /zhes dang /