[A:356a]dpe mkhyud med par ma bris na snyigs dus su song bas brjed pa dang nub kyi dogs nas yi ger gsal por 'bri bar srung ma rnams la lo gsum gyi bar du gsol ba btab ces sogs ltar/ de yan chad du yi ge gsal po med pa shes nus/ mal lo'i rjes gnang gi thor/ man ngag phyi sgrub dang nang lus la brten pa rnams sbyin/ zhes dang / sa chen gyi 'byung lugs gtor mar/ nang gi rnal 'byor pa yin na bdag nyid kyi lte ba chos 'byung gru gsum nang du bsdus la bzhag /ces gsang rten lus la sba ba'i gnad zab mo zur tsam bstan pa sogs ma dgongs par khrid brgya'i nang du/ bskyed cing gsod nas phyag bzhi'i srog thig gi phyung / /gur la'ang 'dra cog yar klung pa yis sbyar/ /zhes zur za mdzad pa ni/ rje btsun grol mchog mkhas grub chen po yin yang phyogs 'di la gzigs pa'i spyan dkyus thung bas thugs su ma shong pa'i gsung tsam mo/ /zhes zur za bar mdzad do/ /
de yang nang khrid kyi 'khrid tshul la phyi'i brag rdzong ma'i bskyed rim byas pa'i lugs dang / bskyed rim gong ltar la