[A:357b]zhes gsungs pa shin tu snying la bcang ba'i bslab byar snang ste/ deng sang gi dus 'dir la la dag mchog dang thun mong gi dngos grub sgrub pa'i sgo nas rdo rje theg pa'i bstan pa dang sems can gyi khams la phan pa bsgrub pa'i bsam pa dang / bla ma dang chos la ci yang mi bsam par/ chos skyong gnyan pa dang gdams pa zab pa'i grags pa tsam la brten nas chos ci thob tu byed kyin yod pa'i slob ma chu shing gi rnam thar 'chang ba'i rigs can la mi smra ba'i brtul zhugs 'chang ba'i zhal gdams su gda' 'o/ /
de ltar phyi khrid yongs rdzogs dang / nang 'khor lo ser chung / drag po sngags rgod/ sngags pa nang rgyas/ yang gsang thun mong ma yin pa'i khrid rnams dang / dbang bka' rjes gnang rnams bdag chen rdo rje 'chang gi phyag bzhes ltar ngo sprod mdzub tshugs su legs par nos nas/
༒ de nas de dag gi mtha' rten du rgyab brten lung gi skor la/ rtsa ba'i yi ge bdag chen rdo rje 'chang gis dkar chag bsgrigs par mdzad pa'i mgon pod med 'bar ma'i skor dang / der ma 'dus pa'i yan lag gi skor dang